Mīmāṃsā


Information

No information available

Fragments

Report 3359
tatrārthāpattyā saha pratyakṣādīni pañca pramāṇāni – iti prabhākaraḥ. – abhāvena saha ṣaṭ – iti bhāṭṭaḥ. – saṃbhavaitihyābhyām aṣṭau – iti kecit. – aśakya eva pramāṇasaṅkhyāniyamaḥ – iti suśikṣitacārvākāḥ.

Author(s): Bhāṭṭa, kecit, Prabhākara, Udbhaṭa
Sources: NM I 52,17-19; NM (2) I 94,4-7; NM (1) I 33,25-27


Fragment 5145
gauṇe hi prayogo na lakṣaṇāyām – iti prabhākaralaghuṭīkā.

Author(s): Prabhākara
Sources: NMGBh (1) 241,23f


Fragment 2278
pareṇa sādhyate – asty ākāśākhyaṃ dravyaṃ nityam ekaṃ bhuvi śabdaliṅgaṃ, śabdo ‘sya guṇatvāl liṅgam. prayogaḥ - ye ye vināśitvotpattimattvādidharmopetās te kvacid āśritāḥ, yathā ghaṭadīpādayaḥ, tathā cāmī śabdāḥ, tasmāt kvacid āśritair ebhir bhavitavyam, yo ‘sāv āśrayo ‘mīṣāṃ sa sāmarthyād vyoma - ākāśaṃ bhaviṣyati. tathā hy ayaṃśabdo na pṛthivyādīnāṃ caturṇāṃ guṇo yuktaḥ, pratyakṣatve satyakāraṇaguṇapūrvakatvāt, ayā0vaddravyabhāvitvāt, āśrayād anyatropalabdheś ca. yathoktadharmaviparītā hi sparśavatāṃ guṇā dṛṣṭāḥ. pratyakṣatve satīti viśeṣaṇaṃ pākajaiḥ paramāṇugatair anekāntatvaparihārārtham. bāhyendriyapratyakṣatvād ātmāntaragrāhyatvād ahaṅkāreṇa vibhaktagrahaṇāc ca nātmano guṇaḥ. ātmaguṇānāṃ hi sukhādīnām etadvaiparītyadarśanāt. śrotragrāhyatvāc ca na dikkālamanasām, ataḥ pāriśeṣyād guṇo bhūtvākāśasya liṅgam. tac cākāśaṃ śabdaliṅgāviśeṣād viśeṣaliṅgābhāvād ekaṃ sarvatropalabhyamānaguṇatvāt - vibhuguṇavattvāt. anāśritatvāc ca dravyam. akṛtakatvān nityam – ity eṣā prakriyā pareṣām.

Author(s): unidentified
Sources: TSP 205,24-206,8; TSP (1) 255,19-256,13


Fragment 11881
yo 'py āha – na svavyavasāyātmakaṃ jñānaṃ parokṣatvāt arthasyaiva pratyakṣatvāt. apratyakṣā no buddhiḥ, pratyakṣo 'rthaḥ. sa hi bahirdeśasambaddhaḥ pratyakṣam anubhūyate. "jñāte tv arthe anumānād avagacchati buddhim" iti sābarabhāṣye śravaṇāt. tathā jñānasyārthavat pratyakṣatve karmatvaprasaṅgāt jñānāntarasya karaṇasyāvaśyaṃ parikalpanīyatvāt. tasya cāpratyakṣatve prathame ko 'paritoṣaḥ? pratyakṣatve tasyāpi pūrvavatkarmatāpatteḥ karaṇātmano 'nyavijñānasya parikalpanāyām anavasthāyā durnivāratvāt. tathaikasya jñānasya karmakaraṇadvayākārapratītivirodhāc ca na jñānaṃ pratyakṣaṃ parīkṣakair anumantavyam – iti so 'pi na yathārthamīmāṃsakatām anusartum utsahate ...

Author(s): unidentified
Sources: PrP (Ko) 21,13-21; PrP (Ga) 60,31-36


Fragment 11902
syād ākūtaṃ bhavatām – yasyātmano 'rthe paricchittiḥ pradurbhavati tasya jñānena so 'rthaḥ pratyakṣaḥ pratīyate na sarvasya jñānena sarvo 'rthaḥ pratyakṣaḥ sarvasya pramātuḥ sarvatrārthe paricchitter asaṃbhavāt – iti tad api svagṛhamānyaṃ mīmāṃsakānāṃ kvacid arthe paricchitteḥ pratyakṣatvāpratyakṣatvavikalpānatikramāt.

Author(s): unidentified
Sources: PrP (Ga) 61,1-3; PrP (Ko) 21,24-22,2


Fragment 12118
ye tu manyante – nātmā pratyakṣaḥ karmatvenāpratīyamānatvāt karaṇajñānavat – iti teṣāṃ phalajñānahetor vyabhicāraḥ karmatvenāpratīyamānasyāpi phalajñānasya prābhākaraiḥ pratyakṣatvavacanāt, tasya kriyātvena pratibhāsanāt pratyakṣatve pramātur apy ātmanaḥ kartṛtvena pratibhāsamānatvāt pratyakṣatvam astu.

Author(s): unidentified
Sources: PrP (Ko) 22,28-23,3; PrP (Ga) 61,20-23


Fragment 12136
maivam – nātmā pratyakṣaḥ. pramātṛbhedo hi svasantāne na gṛhyata – ity uktam.

Author(s): unidentified
Sources: NM (2) II 283,17


Fragment 12382
tathā bṛhaṭṭīkāpi – tatrāpūrvārthavijñānaṃ niścitaṃ bādhavarjitaṃ |
aduṣṭakāraṇārabdhaṃ pramāṇaṃ lokasammataṃ || – iti.


Author(s): Kumārila
Sources: R 106,9-12; PrP (Ko) 26,19-21; PrP (Ga) 61,5-7; TBV 13,23-25; TAŚV(A) 173,29; YA(Ṭ) 84,7f.; TBV 318,25-26; PVBh 21,17 (as v. 158); TRah 296,9-10

Details


Fragment 58212
yathāhur vārttikakāramiśrāḥ – vato mā[ta](ram anvicchan mahiṣyā)digaṇān bahūn |
parityajya svasāmānyād gogaṇān upasarpati ||
tatrāpi cātmagatvena goṣṭhāntaranivāsinaḥ |
parityajyaiva govargān (svavargam upasarpati ||)
tatrāpi cetarā vyaktīs tyaktvā svām eva mātaram |
asādhāraṇarūpeṇa prāgdṛṣṭenopasarpati || iti |


Author(s): Kumārila
Sources: TSmī 79.4-10 (= p. 138, ll. 4-10)

Details


Fragment 86686
sa hy avinābhāvavyatirekeṇānyaṃ niyamam icchati. yad āha bhaṭṭaḥ
– evam anyoktasambandhapratyākhyāne kṛte sati |
niyamo nāma sambandhaḥ svamatenocyate 'dhunā ||
kāryakāraṇabhāvādisambandhānāṃ dvayī gatiḥ |
niyamāniyamābhyāṃ syān niyamasyānumāṅgatā ||
sarve 'py aniyamā hy ete nānumotpattikāraṇam |
niyamāt kevalād evan na kiñcin nānumīyate ||
tasmān niyama evaikaḥ sambandho 'trāvadhāryate |
gamakasyaiva gamyena sa ceṣṭaḥ prāṅ nirūpitaḥ ||
niyamasmarataḥ samyag niyamyaikāṅgadarśanāt |
niyāmakāṅgavijñānam anumānan tadaṅgiṣu ||
iti (|) tad apāstaṃ ||


Author(s): Kumārila
Sources: PVSVṬ 87,19-30 (87,21-30 for the fragment)


Fragment 116559
atra kecid āhuḥ – svata eva siddhāni pramāṇāni – iti

Author(s): Upavarṣa
Sources: PSṬ 1 (I) 21,10

Details


Fragment 117462
upavarṣeṇāpi – prasiddhatvān noktāni – ity uktam. – pratyakṣādīni hi pramāṇāni prasiddhāni – iti naiṣa doṣaḥ

Author(s): Upavarṣa
Sources: PSṬ 2 (I) 120,7–9

Details


Report 124994
syād etat – aindriyasya jñānasya cakṣurādir āśrayaḥ, śābdasya tu manaḥ. tasmād āśrayabhedād ekaviṣayatve 'pi tayoḥ pratibhāsabhedaḥ – iti.

Author(s):
Sources: PSṬ 1 (I) 48,5f

Details


Report 125068
tatra manovijñāne pratyakṣe – indriyajñānānubhūtam eva tam arthaṃ gṛhṇāti – iti keṣāñcid vipratipattiḥ. rāgādisaṃvedane – nāsty eva tad – iti. yogijñāne 'pi – eṣaiva.

Author(s): Kumārila
Sources: PSṬ 1 (I) 50,8f.

Details


Report 125132
apare tu … … pareṣām – indriyajaṃ jñānaṃ kiñcit savikalpakaṃ yad vyutpannavyavahārasya, kiñcid avikalpakaṃ yad itarasya – iti matam.

Author(s): Kumārila
Sources: PSṬ 1 (I) 50,14f.

Details


Report 125021
yāpīyaṃ kalpanā – yadi śābdendriyajñānayor naiko viṣayo yaḥ sāsnādimān sa gaur ity upadeśād gāṃ pratipadya paścād vyaktiviśeṣaṃ paśyan katham evam avasyati – yo 'sau mayā śruto 'yam asāv iti, kathaṃ ca gām ānayety ukta indriyaviṣaya eva pravartate. na hy anyam upalabdhavato 'nyatra sa evāyam iti pratyayo bhavati. nāpy anyatra codite 'nyatra pravṛttir yuktā. bhavati ca tathā pratyayaḥ pravartate ca śabdād indriyaviṣaye. tasmād ekas tayor viṣayaḥ – iti, sāpy akalpanaiva.

Author(s):
Sources: PSṬ 1 (I) 48,12-49,1

Details