Fragment 2950
atra ca adhyayenā(adhyayanā?)viddhakarṇoddyotakarādibhir yad uktam – yadi tulāntayor nāmonnāmavat kāryotpattikāla eva kāraṇavināśas tadā kāryakāraṇabhāvo na bhaved yataḥ [?? kāraṇasya vināśaḥ kāraṇotpāda eva nāśaḥ ??] iti vacanād evaṃ ca kāraṇena saha kāryam utpannam iti prāptam. yadi ca sa eva nāśaḥ prathame ‘pi kṣaṇe na sattā bhāvasya syād vināśād tadaiva loke ca bhāvanivṛttir vināśaḥ pratīto na bhāva eva, sarvakālaṃ ca vināśasambhavāt sarvadā bhāvasya sattvaṃ syāt. atha kāraṇotpādāt kāraṇavi(?)nāśo bhinnas tadā kṛtakatvasvabhāvatvam anityatvasya na bhave(?ved) vyatirikte ca nāśe samutpanne na bhāvasya nivṛttir iti kathaṃ kṣaṇikatvam – iti.

Author(s): Adhyayana, Aviddhakarṇa, Aviddhakarṇa (Nyāya), Uddyotakara
Sources: TBV 332,15-333,6