samavāya


Fragments


Fragment 2191
syād etat – trividhaṃ kāraṇam iṣṭaṃ samavāyikāraṇam asamavāyikāraṇaṃ nimittakāraṇaṃ ca. tatra hi yat samavaiti kāryaṃ tat tasya samavāyikāraṇam. asamavetaṃ tu yad yasya kāraṇabhāvaṃ pratipadyate tadasamavāyikāraṇaṃ yathāvayavidravyārambhe ‘vayavasaṃyogaḥ. pariśeṣaṃ tu kāraṇaṃ nimittakāraṇaṃ tad yathā dharmādaya ity ayam eṣāṃ vibhāgaḥ. tatrāpekṣaṇīyasya saṃyogāder asannihitatvāt samagrakāraṇatvam asiddham ato ‘siddho hetur – iti.

Author(s): unidentified
Sources: TSP 186,20-25; TSP (1) 232,19-25

Details


Fragment 785
yad apy atra adhyayanādyuktaṃ pratisamādhānam – yathā śvamāṃsāśucyādīnāṃ svata eva aśucitvam anyeṣāṃ ca bhāvānāṃ tadyogāt tat tathehāpi tādātmyād viśeṣeṣu svata eva vyāvṛttapratyayahetutvaṃ paramāṇvādiṣu tu tadyogāt. kiṃ ca, atadātmakeṣv api anyanimittaḥ pratyayo bhavaty eva yathā pradīpāt paṭādiṣu na punaḥ paṭādibhyaḥ pradīpe evaṃ viśeṣebhya eva aṇvādau viśiṣṭapratyayaḥ na aṇvādibhya – ityādikam, tad api asaṃgatam.

Author(s): Adhyayana
Sources: TBV 699,13-17

Details


Fragment 5687
bhāviviktas tv āha – na hi sarvatra nimittānurūpaḥ pratyaya iṣyate. tathā hi gajaturagadhavakhadirādisamavāyinī bahutvasaṅkhyā senāvanādibuddhīnāṃ nimittam, pānakakāñjikādibuddhīnāṃ vijātīyadravyasaṃyogo nimittam, anyathā hi bahavaḥ saṃyuktā iti ca pratyayaḥ syād – iti.

Author(s): Bhāvivikta
Sources: TSP (1) 309,26-310,13; TSP 251,5-8

Details


Fragment 15938
sa­ma­vā­yāt tebhyo ’narthāntaram iva pratibhāsate – iti cet.

Author(s): unidentified
Sources: AṣṭS 176,6f.; SŚP 36,1

Details




Reports



No reports available




Information



No information available