Kaṭandīkāra

Other denominations:
Philosophical tradition: Vaiśeṣika
Worktitles: Kaṭandī



Prosopographical information about Kaṭandīkāra

Jambuvijayaji's note 11 on DNC 498: Kaṭandī nāma KaṇādaviracitaVaiśeṣikasūtrāṇākācit prācīnā vyākhyā. “bho bho lakṣmaṇa! VaiśeṣikaKaṭandīpaṇḍito jagad vijayamānaḥ paryaṭāmi. kvāsau rāmaḥ? tena saha vivadiṣye.” iti murārikaviviracite Anargharāghavanāṭake pañcamāṅke Rāvaṇasya vacaḥ.



Prosopographical information about Kaṭandīkāra in primary sources




Information 50170
kaḍa(ṭa)ndī* kodravodana iti. kaḍa(ṭa)ndī vaiśeṣikabhāṣyaviśeṣaḥ. [*Shah's note: mudritamañjaryāṃ tu ‘kapatrī’ iti pāṭhaḥ]

Sources: NMGBh (1) 177,9; NMGBh part II, 184,24

Details



Fragments attributed to Kaṭandīkāra




Fragment 46194
yat tūcyate – sadasator vaidharmyāt kārye sadasattā na [vai. sū. 9.1.12], sadasacchabdārthayor virodhād ekasminn eva kārye sadasacchabdayor ekādhikaraṇabhāvena prayogo nāsti, ‘sad evāsat’ ity anusandhānaṃ nāsty ekādhikaraṇabhāvena iti saptamyabhidhānena darśayati [vai. sū. kaṭandī 9.1.12]. – etad api na kiñcit.

Author(s): Kaṭandīkāra
Sources: DNC 498,6-499,3

Details


Fragment 46216
yat tūcyata ityādi yāvat saptamyabhidhānena darśayatīti sūtrārthaḥ kaṭandyāṃ vyākhyātaḥ. ‘sadasator vaidharmyāt’ iti kim uktaṃ bhavati? parasparavirodhāt samānādhikaraṇabhāvenaikasmin prāg utpatteḥ sac ca tad eva’ iti sadasacchabdārthayor virodhād ekasminn eva kārye kutaḥ sattvaṃ prāg utpatteḥ? kiṃ tarhi? asattvam eveti sadasacchabdayor ekādhikaraṇabhāvena prayogo nāstīti. tad vyācaṣṭe – ‘sadevāsat’ ity anusandhānaṃ nāsty ekādhikaraṇabhāveneti buddhyā nirdhāraṇaṃ nāsti, tadabhāvāt prayogo ’nupapannaḥ. eṣo ’rthaḥ ‘kārye sadasattā na’ iti saptamyabhidhānena darśitaḥ, anyathā ‘kāryaṃ sadasan na’ iti lāghavārthaṃ brūyāt. etad api na kiñcid ityādy uttaraṃ yāvat svātamani.

Author(s): Kaṭandīkāra
Sources: DNCVṛ 498,24- 499,14

Details


Fragment 46230
yad apy uktam – āpekṣikaṃ sadasattvam, prāg utpatteḥ mṛdātmanā sat kāryaṃ ghaṭātmanā cāsat, niṣpanne ’pi ghaṭe mṛttvadarśanād mṛdupādānopapattiḥ, ghaṭātmanā cāsattvād ghaṭārthakriyopapattir ity evaṃ kila ārhata āha. atrottaram – na, asatkāryatvasiddheḥ, evaṃ tarhi mṛdātmanaḥ kartavyatvābhāvād ghaṭātmanaḥ kartavyatvād asad eva kāryam. tasmān na prāg utpatteḥ sadasat kāryam [vai. sū. kaṭandī] iti. – atra na pūrvapakṣo nottarapakṣaḥ satyaḥ.

Author(s): Kaṭandīkāra
Sources: DNC 499,5-500,1

Details


Fragment 46244
yad apy uktam āpekṣikam ityādi. syādvādī kiletthaṃ sadasattvaṃ samarthayati pūrvapakṣaḥ. mṛdātmanā ghaṭasya prāg utpatteḥ sattvam, niṣpattyuttarakālam api mṛttvadarśanāt, tadātmakatvād mṛdupādānopapattiḥ. ghaṭātmanā cāsattvād ghaṭārthakriyopapattir iti. atra kilottaraṃ kaṭandīkāra āha – na, asatkāryatvasiddheḥ. evaṃ tarhītyādi vyākhyā. mṛdātmanaḥ kartavyatvābhāvāt, ‘kriyate’ iti hi kāryam, na ca mṛt kriyate, ghaṭo hi kriyate, sa cāsann iti. tad upanayati – tasmān na prāg utpatteḥ sadasat kāryam iti. / atra na pūrvapakṣa ityādi ācāryo brūte. atraivaṃ pūrvottarapakṣayor na kiñcit satyam, prāg atīteṣu pūrvapakṣo ’pi kaścit satyaḥ syād vikalādeśavaśārpaṇāt, yathā sadbhāgam āśrityopādānam asadbhāgam āśritya kriyābhāva ityādiḥ. iha tu na pūrvapakṣo nottarapakṣaḥ satyaḥ.

Author(s): Kaṭandīkāra
Sources: DNCVṛ 499,25-500,10

Details



Reports attributed to Kaṭandīkāra




No reports available