Anonymous information

Anonymous fragments in primary sources

Fragment 1806
athāpi tena sambandhāt tasyāpy asty eva hetutā /

Author(s): unidentified
Sources: TS (1) 401ab; TS 401ab


Fragment 1816
nanu ca
nanu cārthakriyāśaktā nabhastāmarasādayaḥ /
svajñānahetubhāvena na caite santi bhāvikāḥ //


Author(s): unidentified
Sources: TS (1) 425; TS 425


Fragment 1824
svārambhakavibhāgād vā yadi vā tadvināśataḥ /
te naśyanti kriyādyā(dīva) yogāder – iti cen na tat //


Author(s): unidentified
Sources: TS 855


Fragment 1832
ekasambandhanāśe 'pītyādinā paraḥ pratyavatiṣṭhate – ekasambandhināśe ‘pi samavāyo ‘vatiṣṭhate /
anyasambandhisadbhāvād yogo no cen na bhedataḥ //


Author(s): unidentified
Sources: TS 859; TS (1) 858


Fragment 1839
sapakṣādivyavasthā cet kathaṃ pakṣāprayogataḥ /
nātas trairūpyam apy asti tadapekṣānibandhanam //


Author(s): unidentified
Sources: TS (1) 1433; TS 1434


Fragment 1848
ātmavyatiriktaṃ nityaikasarvārthaviṣayabuddhyupetatayā bhinnaguṇatvād dravyāntaram eva – ity apare.

Author(s): unidentified
Sources: TSP 40,27-41,1; TSP (1) 51,18-20

Details


Fragment 1855
aparaṃ pramāṇakadambakaṃ tair uktam – vicitrodayapraspandāspadānāspadaṃ vimatyadhikaraṇabhāvāpannaṃ dvitīyādipramāṇapañcakavyatiriktapramāṇāntarāvacchedyam. vastutvādibhyo rūpādivat. vaidharmyeṇa kūrmaromādayaḥ – iti.

Author(s): unidentified
Sources: TSP 44,5-7; TSP (1) 56,12-15


Fragment 1862
avayavī ca dṛśyatveneṣṭaḥ – mahaty anekadravyavattvād rūpāc copalabdhiḥ – iti vacanāt.

Author(s): unidentified
Sources: TSP 45,6f; TSP (1) 57,16f


Fragment 1869
aparo hetus tair uktaḥ – sadādyaviśeṣāskanditānāskanditaṃ vimatyadhikaraṇabhāvāpannaṃ kasyacit pratyakṣaṃ sattvād rūpādivad – iti.

Author(s): unidentified
Sources: TSP 44,10-12; TSP (1) 56,19-21


Fragment 1876
yadi tarhi naikaviṣayatānayos tat katham idaṃ pratisandhānajñānaṃ bhavati. yaḥ prakāśe mayā dṛṣṭo ghaṭaḥ sa evāndhakāre spṛśyate – iti.

Author(s): unidentified
Sources: TSP 45,24f; TSP (1) 58,12f


Fragment 1883
nanu – yadi samudāyaḥ prāganubhūtaḥ syāt tadā smārttam idaṃ yuktam, yāvatā na rūpādivyatiriktaḥ samudāyo bhavatām abhīṣṭo yenāsāv anubhūyeta, rūpādiṣu cānubhūteṣu rūpādir iti syāt, na ghaṭa iti, na cānanubhūte smṛtir yuktā, tat katham idaṃ samudāyaviṣayaṃ smārttaṃ jñānam utpadyate.

Author(s): unidentified
Sources: TSP 46,17-20; TSP (1) 59,10-13


Fragment 1900
syād etat – kṛtakatvādivad asyāpi sanniveśaviśiṣṭatva(tvena?) buddhimatkāraṇapūrvakatvam eva, pratibandho ‘sty eva? – iti.

Author(s): unidentified
Sources: TSP 49,14f; TSP (1) 62,23f


Fragment 1922
syād etat – yady asmābhir viśeṣaḥ sādhayitum iṣṭaḥ syāt tadā sādhyavikalatā sādharmyadṛṣṭāntasya pūrvoktā syāt, yāvatā sāmānyena buddhimatpūrvakatvamātraṃ sādhyate, tasmiṃś ca siddhe tarvādīnāṃ sāmarthyād īśvaraḥ karttā siddhyati, na hi ghaṭādivat teṣāṃ kulālādiḥ karttā saṃbhavati, tena sāmānyasya viśeṣaviśiṣṭatvāt, tarvādiṣu cānyasya kartur asaṃbhāvyamānatvāt, sāmarthyād viśeṣaparigraham antareṇāpīśvara eva karttāmīṣāṃ sidhyati – iti.

Author(s): unidentified
Sources: TSP (1) 65,14-19; TSP 51,18-22


Fragment 1930
nanu – yathoktadoṣaduṣṭatvān naitebhya iṣṭe sādhye pratyayāḥ samutpadyante – iti.

Author(s): unidentified
Sources: TSP (1) 71,5; TSP 56,4f

Details


Fragment 1937
nanu – evam api sādhyavikalo dṛṣṭāntaḥ, teṣām api jaḍapratyayānām īśvarasya nimittakāraṇatveneṣṭatvāt – iti.

Author(s): unidentified
Sources: TSP 56,7f; TSP (1) 71,9f

Details


Fragment 1945
nanu – sādhanābhidhānaṃ sahakāriṇīm apekṣya teṣām īśvaro janako bhaviṣyati na kevalas tenāsau viphalā na bhaviṣyati – iti.

Author(s): unidentified
Sources: TSP 56,11f; TSP (1) 71,13f


Fragment 1952
athāpi syād – nānyadīyaṃ cittamātram udāharaṇatvenābhipretaṃ kin tu yasmin viṣaye vijñānam āgṛhītatadākāram upajāyate tad ihodāharaṇam iṣṭam – iti.

Author(s): unidentified
Sources: TSP 83,12f; TSP (1) 107,9f


Fragment 1962
atha tad api – svavyatiriktasaṃvedakasaṃvedyam udayavyayadharmakatvaprameyatvasmaryamāṇapramāṇatvebhyo viṣayavat – iti matam.

Author(s): unidentified
Sources: TSP 83,17f; TSP (1) 107,12f


Fragment 1970
nanu – yathā ghaṭādayo badarādīnām akiṃcitkarā apy ādhārās tadvad ātmā sukhādīnām ādhāro bhaviṣyati – iti.

Author(s): unidentified
Sources: TSP 84,18f; TSP (1) 109,6f


Fragment 1977
athāpi syāt – asmābhir evaṃvidha eva kalpitaikatvaḥ sādhyo ‘bhipretaḥ (ataḥ) sādhyavikalatā dṛṣṭāntasya na bhavati – iti.

Author(s): unidentified
Sources: TSP 87,5f

Details


Fragment 1987
nanu cedam evāśaṅkya – "siddhaparyāyabhinnatve sati" iti tasya hetor viśeṣaṇam uktam, tat kathaṃ anaikāntikatā bhavati?

Author(s): unidentified
Sources: TSP 87,19f; TSP (1) 112,14f


Fragment 1996
yathoktam – cittam evāhaṅkārasaṃśrayatvād ātmety upacaryate – iti.

Author(s): unidentified
Sources: TSP 87,21f; TSP (1) 112,17f


Fragment 2004
athāpi syāt – asāmayikaikapadatvāt – iti.

Author(s): unidentified
Sources: TSP 88,14; TSP (1) 113,16


Fragment 2013
yaś cāpy āha – kartuḥ prasiddhiḥ karaṇaprasidder – iti.

Author(s): unidentified
Sources: TSP 89,21; TSP (1) 115,7

Details


Fragment 2021
tarhi – gauro ‘ham ityādipratyayo mukhyas tathāpi kasmād ātmāsya viṣayo na bhavati – iti.

Author(s): unidentified
Sources: TSP 90,27-91,1; TSP (1) 116,18f


Fragment 2028
syād etat – yathā bhavatāṃ pratyakṣīkṛte 'pi nīlādau tatsvabhāvāvyati(rikte) kṣaṇikatvādau vivāhaḥ pravarttate. tathātmany api bhaviṣyati – iti.

Author(s): unidentified
Sources: TSP 91,8f

Details


Fragment 2039
yady evam – yadi dhvaṃsasyānantarabhāvitvaṃ nāsti, tadā bhāvasya dhvaṃso bhavatīti (katham). na hi yo na bhavaty eva tasya bhavati – iti syāt.

Author(s): unidentified
Sources: TSP 138,26f; TSP (1) 175,12f


Fragment 2051
nanu – caitrasya putro bhavatītyādivad bhavatiśabdaprayogād atrāpi bhavanam eva vidhīyate – iti.

Author(s): unidentified
Sources: TSP 139,5f; TSP (1) 175,17f

Details


Fragment 2058
syād etat – yathā bījādayo 'ṅkurādijananasvabhāvāḥ santo 'pi na kevalā janayanti salilādikāraṇāntarāpekṣatvāt, tadvadbhāvo naśvarasvabhāvo 'pi nāśe kāraṇāntarāpekṣo bhaviṣyati – iti.

Author(s): unidentified
Sources: TSP 140,17-19; TSP (1) 177,5-7


Fragment 2066
athāpi syāt – yathā tāmrādīnāṃ kaṭhinarūpāṇām api satām agnyādisaṃparkād anyathātvaṃ bhavati. tathā bhāvasyāvinaśvarasvabhāvasyāpi sato vināśahetunānyathātvaṃ kriyate. tena vināśahetuṃ prāpya vinaśyati – iti.

Author(s): unidentified
Sources: TSP 140,25-141,1; TSP (1) 177,15-17

Details


Fragment 2073
syād etat – yathākāśaṃ mūrttatvāya na param apekṣate atha ca tatra niyataṃ na bhavati, tadvadbhāvaḥ kṛtako ‘pi san kaścin naiva nāśe niyato bhaviṣyati – iti.

Author(s): unidentified
Sources: TSP 141,11-13; TSP (1) 178,9f


Fragment 2080
nanu – evam api svabhāvasyānarthāntaratvāt so ‘syāstīti vyatirekanibandhanaḥ pratyayo nopapadyate – iti.

Author(s): unidentified
Sources: TSP (1) 179,21f; TSP 142,22-23

Details


Fragment 2090
na caitac chakyaṃ vaktum – kramayaugapadye eva bhāvānāṃ na siddhe; vyatiriktakālapadārthānabhyupagamāt – iti.

Author(s): unidentified
Sources: TSP 144,13f; TSP (1) 181,17f


Fragment 2097
nanu ca – yadi sthiro bhāvaḥ siddho bhavet tadā tatra kramayaugapadyanivṛttau satyām arthakriyāyāḥ sāmarthyanivṛttiḥ siddhyet. yathā kvacit pradeśe dharmiṇi vṛkṣanivṛttau śiṃśapānivṛttiḥ. anyathā hy asiddhe pradeśadharmiṇi kutra śiṃśapābhāvaḥ pratīyeta. na cāsau siddhas tasyaiva pratiṣeddhum iṣṭatvāt. athāpi siddho ’ṅgīkriyate, na tarhi tasya pratikṣepo yuktaḥ, tasya dharmiṇaḥ svarūpeṇa siddhyabhyupagamāt. tataś ca sattvādibhya(itya)yam apy anaikāntika eva hetuḥ, vipakṣe vṛtter – iti.

Author(s): unidentified
Sources: TSP (1) 182,3-8; TSP 144,21-26

Details


Fragment 2106
parasyottaram āśaṅkate – yady api sthiraḥ padārthaḥ sarvadā sannihitas tathāpi krameṇa sahakārīṇi tasya saṃnidhīyante. atas tadapekṣayā krameṇāsau kāryāṇi janayiṣyati – iti.

Author(s): unidentified
Sources: TSP 145,19-23; TSP (1) 183,18-20

Details


Fragment 2113
atha – tatrāpy atiśayotpattau sahakārikāraṇāpekṣaṇāt krameṇātiśayotpatter na kāryāṇāṃ yaugapadyaṃ bhavati – iti syāt.

Author(s): unidentified
Sources: TSP 147,1f; TSP (1) 184,24f


Fragment 2121
athāpi syāt – na tadutpattilakṣaṇas tasyātiśayena saha sambandhaḥ. kiṃ tarhi? tatsamavāyalakṣaṇaḥ, tatra nitye dharmiṇi tasyātiśayasya samavetatvāt.

Author(s): unidentified
Sources: TSP 147,11f; TSP (1) 185,15f


Fragment 2137
athāpi syāt – mā bhūt tasya kramayaugapadyābhyām arthakriyā, tathāpi sāmarthyam asyāsty eva – iti.

Author(s): unidentified
Sources: TSP 149,27-150,1; TSP (1) 188,10f


Fragment 2146
syād etat – yadi nāma sāmarthyam asya nivṛttaṃ tathāpi sattvam anivṛttam eva. tataś ca sattvād ity anaikāntika eva hetur – iti.

Author(s): unidentified
Sources: TSP 150,4f; TSP (1) 188,15f


Fragment 2153
athāpi syāt – yady arthakriyāsāmarthyalakṣaṇam eva vastulakṣaṇaṃ bhavet, tadaitat sarvaṃ śobheta – iti.

Author(s): unidentified
Sources: TSP 150,11; TSP (1) 188,2


Fragment 2160
na hy arthakriyāsāmarthyaṃ vastulakṣaṇam, kiṃ tarhi? sattāsaṃbandhaḥ sattāsamavāyaḥ – iti yāvat.

Author(s): unidentified
Sources: TSP 150,19f; TSP (1) 188,25f


Fragment 2191
syād etat – trividhaṃ kāraṇam iṣṭaṃ samavāyikāraṇam asamavāyikāraṇaṃ nimittakāraṇaṃ ca. tatra hi yat samavaiti kāryaṃ tat tasya samavāyikāraṇam. asamavetaṃ tu yad yasya kāraṇabhāvaṃ pratipadyate tadasamavāyikāraṇaṃ yathāvayavidravyārambhe ‘vayavasaṃyogaḥ. pariśeṣaṃ tu kāraṇaṃ nimittakāraṇaṃ tad yathā dharmādaya ity ayam eṣāṃ vibhāgaḥ. tatrāpekṣaṇīyasya saṃyogāder asannihitatvāt samagrakāraṇatvam asiddham ato ‘siddho hetur – iti.

Author(s): unidentified
Sources: TSP 186,20-25; TSP (1) 232,19-25

Details


Fragment 2209
syād etat – katham idam avagamyate rūpāntaram evopajāyate na punaḥ prāktanaṃ rūpam abhibhutatvāt prāganupalabdhaṃ sat paścādabhibhavābhāvād upalabhyate – iti.

Author(s): Aviddhakarṇa, unidentified
Sources: TSP 191,18f; TSP (1) 238,17f

Details


Fragment 2247
syād etat – yady avayavī na syāt tadā kathaṃ bahuṣu paramāṇuṣv ekaḥ parvata iti vyavasāyo vyāpṛtākṣasya bhavati – iti.

Author(s): unidentified
Sources: TSP 197,5f; TSP (1) 245,13f


Fragment 2254
syān matam – yathā vyāptir aṅgulirūpasyāśrayopalabdhāv evopalabdhir ucyate, naivaṃ saṃyogasyāśrayopalabdhāv evopalabdhir iti tato 'sāv avyāpyavṛttir ucyate – iti?

Author(s): Śaṅkarasvāmin, unidentified
Sources: TSP 200,19-21; TSP (1) 249,13f


Fragment 2262
syād etat – avayavāntareṣv arakteṣu samavetasya dravyasyopalabdhāv api na saṃyogātmakasya rāgasyopalabdhis tena nāsyāśrayopalabdhāv upalabdhir – iti.

Author(s): Śaṅkarasvāmin, unidentified
Sources: TSP 200,24f; TSP (1) 249,18f


Fragment 2278
pareṇa sādhyate – asty ākāśākhyaṃ dravyaṃ nityam ekaṃ bhuvi śabdaliṅgaṃ, śabdo ‘sya guṇatvāl liṅgam. prayogaḥ - ye ye vināśitvotpattimattvādidharmopetās te kvacid āśritāḥ, yathā ghaṭadīpādayaḥ, tathā cāmī śabdāḥ, tasmāt kvacid āśritair ebhir bhavitavyam, yo ‘sāv āśrayo ‘mīṣāṃ sa sāmarthyād vyoma - ākāśaṃ bhaviṣyati. tathā hy ayaṃśabdo na pṛthivyādīnāṃ caturṇāṃ guṇo yuktaḥ, pratyakṣatve satyakāraṇaguṇapūrvakatvāt, ayā0vaddravyabhāvitvāt, āśrayād anyatropalabdheś ca. yathoktadharmaviparītā hi sparśavatāṃ guṇā dṛṣṭāḥ. pratyakṣatve satīti viśeṣaṇaṃ pākajaiḥ paramāṇugatair anekāntatvaparihārārtham. bāhyendriyapratyakṣatvād ātmāntaragrāhyatvād ahaṅkāreṇa vibhaktagrahaṇāc ca nātmano guṇaḥ. ātmaguṇānāṃ hi sukhādīnām etadvaiparītyadarśanāt. śrotragrāhyatvāc ca na dikkālamanasām, ataḥ pāriśeṣyād guṇo bhūtvākāśasya liṅgam. tac cākāśaṃ śabdaliṅgāviśeṣād viśeṣaliṅgābhāvād ekaṃ sarvatropalabhyamānaguṇatvāt - vibhuguṇavattvāt. anāśritatvāc ca dravyam. akṛtakatvān nityam – ity eṣā prakriyā pareṣām.

Author(s): unidentified
Sources: TSP 205,24-206,8; TSP (1) 255,19-256,13


Fragment 2290
kālasādhanam āha ... – paraḥ pitā, aparaḥ putraḥ, yugapat, ciraṃ, kṣipraṃ, kriyate, kṛtaṃ, kariṣyate ceti yad etat parāparādijñānaṃ tad ādityādikriyādravyavyatiriktapadārthanibandhanam, valīpalitādipratyayavilakṣaṇatvāt, ghaṭādipratyayavat. yo hetur asya sa sāmarthyāt kālaḥ. tathā hi - na tāvad deśakṛto 'yaṃ parāparādipratyayaḥ. paradigbhāgāvasthite ‘pi sthavire para iti jñānotpatteḥ. tathāparadigbhāgāvasthāyiny api putre 'para iti. nāpi valīpalitādikṛtaḥ, tatpratyayavilakṣaṇatvāt. nāpi kriyākṛtaḥ, tajjñānavilakṣaṇatvād eva. tathā ca sūtram: aparaṃ paraṃ yugapad ayupagapac ciraṃ kṣipram iti kālaliṅgāni – iti.

Author(s): unidentified
Sources: TSP (1) 256,14-23; TSP 206,9-21


Fragment 2301
dikprasādhanārtham āha ... – mūrttaṃ dravyam avadhiṃ kṛtvā mūrtteṣv eva dravyeṣu tasmād idaṃ pūrveṇa, dakṣiṇena, paścimena, uttareṇa, pūrvadakṣiṇena, dakṣiṇāpareṇa, aparottareṇa, uttarapūrveṇa, adhastād, upariṣṭād iti. daśa pratyayā amī yato bavanti sā dig iti. tathā ca sūtraṃ ita idam iti yatas taddiśo liṅgam (VSū 2.2.12) iti. yata ete viśeṣapratyayāḥ, na ca viśeṣapratyayā ākasmikā yuktāḥ, na ca parasparaṃ mūrttadravyavyapekṣāḥ, itaretarāśrayatvenobhayābhāvaprasaṅgāt, tasmād anyanimittāsambhavād diśa etāni liṅgāni tasyāś ca diśaḥ kālavad ekatvavibhutvādayo guṇā boddhavyāḥ. ekatve ‘pi diśaḥ kāryaviśeṣāt prācyādibhedena nānātvam. prayogaḥ - yad etat pūrvāparādijñānaṃ tanmūrttadravya(bhinna?)padārthanibandhanam, tatpratyayavilakṣaṇatvāt sukhādijñānavad iti. manaso liṅgam āha - krameṇetyādi. yugapad anekendriyārthasannikarṣasānnidhye ‘pi krameṇa jñānotpattidarśanād astīndriyārthavyatiriktaṃ kāraṇāntaraṃ yasya sannidhānāsannidhānābhyāṃ jñānasyotpattyanutpattī bhavata iti. tasmāt krameṇa jñānajātyā - jñānotpattyā, manaso ‘numitiḥ kriyate. tathā ca sūtram - yugapaj jñānānutpattir manaso liṅgam (NSū 1.1.16) iti. prayogaḥ - yeyaṃ rūpādipratipattiḥ sā cakṣurādivyatiriktakāraṇāpeṣiṇī, krameṇa jāyamānatvāt, rathādivat – iti.

Author(s): unidentified
Sources: TSP (1) 256,24-257,21; TSP 206,23-207,14


Fragment 2311
syān matam – tadīyādṛṣṭābhisaṃskṛtā yā karṇaśaṣkulī tatparicchinnasyaivākāśasya śrotratvam ata eva na mukhanāsikādivivarāntareṇa śabdopalambho jāyate, tasyā eva ca karṇaśaṣkulyā upaghātād bādhiryādir vyavasthāpyate – iti.

Author(s): unidentified
Sources: TSP 208,9-11; TSP (1) 258,18-20

Details


Fragment 11183
samyagjñānaṃ pramāṇaṃ pramāṇatvānyathānupapatteḥ – sannikarṣādir ajñānam api pramāṇaṃ svārthapramitau sādhakatamatvād – iti nāśaṃkanīyaṃ tasya svapramitau sādhakatamatvāsaṃbhāvāt.

Author(s): unidentified
Sources: PrP (Ko) 1,9f.; PrP (Ga) 51,8f.


Fragment 11355
syān matam – śiśiraraśmiśekharasya samādhiviśeṣasantatir dharmaviśeṣasantatiś ca sarvārthajñānasantatihetur anādyaparyavasānā satatam enomalair aspṛṣṭatvāt tasya saṃsārisādimuktivilakṣaṇatvāt sarvadā muktatayaiva prasiddhatvāt – iti tad apy asamīcīnam evam īśvarasyāpi enomalavilayāder evārthasaṃvedanodbhavaprasakteḥ.

Author(s): unidentified
Sources: PrP (Ko) 3,11-15; PrP (Ga) 51,16-18


Fragment 11365
syād ākutam te – na vyavasāyātmakatvena svaviṣayopadarśakatvasya vyāptiḥ siddhim adhivasati, tasya vyavasāyajanakatvena vyāptatvāt, nīladhavalādau vyavasāyajananād darśanasya tadupadarśakatvavyavasthiteḥ, kṣaṇakṣayasvargaprāpaṇaśaktyādau vyavasāyājanakatvāt tadanupadarśakatvavyavasthānāt, gacchattṛṇasparśasaṃvedanasyāpi tata eva svaviṣayopadarśakatvābhāvasiddheḥ mithyājñānatvavyavahārāt anyathānadhyasāyitvāghaṭanāt – iti tad etad avicāritaramaṇīyaṃ tāthāgatasya. vyavasāyo hi darśajanyaḥ

Author(s): unidentified
Sources: PrP (Ko) 6,9-16; PrP (Ga) 53,20-23


Fragment 11569
atha – pratyakṣabuddhau pratibhāsamānatvād rūpādayaḥ paramārthasanto na punas tacchaktayas tāsām anumānabuddhau pratibhāsamānatvāt – ity apy ayuktaṃ kṣa­ṇa­kṣa­yasvargaprāpaṇaśaktyādīnām aparamārthasattvaprasaṃgāt.

Author(s): unidentified
Sources: SŚP 27,4-6; AṣṭS 183,21


Fragment 11588
syān matam – arthasāmarthyād utpattiḥ. arthasārūpyaṃ ca darśanasya svaviṣayopadarśakatvam. tac ca sakalasamakṣavedanānām avyavasāyātmakatve 'pi saṃbhavatpravartakatvam arthaprāpakatvam avisaṃvādakatvaṃ samyagjñānalakṣaṇam iti taiḥ samīcīnair jñānair vyabhicāra eva hetoḥ – iti. tad api durghaṭam eva kṣaṇakṣayādāv api tadupadeśakatvaprasaṃgāt.

Author(s): unidentified
Sources: PrP (Ga) 54,9-11; PrP (Ko) 7,19-23


Fragment 11600
atha matam – abhyāsaprakaraṇabuddhipāṭavārthitvebhyo nirvikalpakād api darśanān nīlādau saṃskāraḥ smaraṇaṃ cotpadyate, na punaḥ kṣaṇikādau tadabhāvāt. vyavasāyātmano 'pi pratyakṣāt tata eva saṃskārasmaraṇopapatteḥ, teṣām abhāve niścite 'pi vastuni niyamena saṃskārāder abhāvāt teṣāṃ vyavasāyātmakasamakṣavādino 'pi niyamato ‘bhyupagamanīyatvāt – iti. tad api phalguprāyaṃ bhūyodarśanalakṣaṇasyābhyāsasya kṣaṇakṣayādau sutarāṃ sadbhāvāt.

Author(s): unidentified
Sources: PrP (Ga) 54,34-55,1; PrP (Ko) 9,5-10


Fragment 11613
tad uktaṃ – vyavasāyātmano dṛṣṭeḥ saṃskāraḥ smṛtir eva vā | dṛṣṭe dṛṣṭasajātīye nānyathā kṣaṇikādivat || – iti.

Author(s): unidentified
Sources: PrP (Ga) 54,31-33; PrP (Ko) 9,2-4


Fragment 11641
nanu – nirvikalpakād apy akṣajñānād abhyāsaprakaraṇabuddhipāṭavārthitvavaśād dṛṣṭasajātīye smṛtir yuktā, savikalpakapratyakṣād api tadabhāve tadanupapatteḥ prativādyādyupanyastasakalavarṇapadādivat svocchvāsādisaṃkhyāvad vā. na hi savikalpakapratyakṣeṇa tadvyavasāye ’pi kasyacid abhyāsādyabhāve punas tatsmṛtir niyamataḥ siddhā yataḥ savikalpakatvaprakalpanaṃ pratyakṣasya phalavat – iti kaścit so ’py aprajñākara eva, sarvathaikasvabhāvasya pratyakṣasya kvacid abhyāsādīnām itareṣāṃ ca sakṛdayogāt.

Author(s): unidentified
Sources: AṣṭS 123,14-18


Fragment 11649
kaścid āha – tata eva sakalavikalpavāggocarātītaṃ vastu vikalpaśabdānāṃ viṣayasyānyavyāvṛttirūpasya anādyavidyopakalpitasya sarvathā vicārāsahatvāt vicā­rasaha­tve vā tadavastutvavirodhāt – iti so ‘pi na samyagvādī darśanaviṣayasyāpy avastutvaprasaṅgāt tasyāpi śabdavikalpaviṣayavat vicārāsahatvāvirodhāt.

Author(s): unidentified
Sources: PrP (Ga) 55,21-23; PrP (Ko) 10,12-16


Fragment 11660
yat punaḥ – svākārārpakatvam api na vastunaḥ paramārthapathaprasthāyi samavasthāpyate svarūpamātraviṣayatvāt sakalasaṃvedanānām – iti matam, tad api durupapādam eva teṣāṃ vaiyarthyaprasagāṃt.

Author(s): unidentified
Sources: PrP (Ga) 55,35-56,1; PrP (Ko) 11,8-10


Fragment 11674
ye tv āhuḥ – svārthavyavasāyātmakatve sādhye samyagjñānatvasya hetor na prayojakatvaṃ sarvasya samyagjñānasyārthavyavasāyātmakatvam antareṇaiva samyagjñānatvasiddheḥ. tathā hi: vivādādhyāsitaṃ samyagjñānaṃ nārthavyavasāyātmakaṃ jñānatvāt svavyavasāyātmakatvād vā. yad jñānaṃ svavyavasāyātmakaṃ vā tan nārthavyavasāyātmakaṃ yathā svapnādijñānam. tathā ca vivādāpannaṃ samyagjñānaṃ jinapatimatānusāribhir abhyanujñātam. tasmān nārthavyavasāyātmakam – iti te pi na prātītikāvādinaḥ jāgṛddaśābhāvinaḥ samīcīnavijñānasyārthavyavasāyātmakatvapratīteḥ.

Author(s): unidentified
Sources: PrP (Ga) 56,33-57,1; PrP (Ko) 13,4-12


Fragment 11690
syān matam – na bahir arthāḥ paramārthataḥ santi tatpratyayānāṃ nirālambanatvāt svapnapratyayavat santānāntaravijñānānām api asattvāt. tatra svarūpamātravyavasāyātmakam eva vijñānam – iti tad apy asāram.

Author(s): unidentified
Sources: PrP (Ga) 57,15f.; PrP (Ko) 14,5-7


Fragment 11710
... abhidhīyatām – vivādāpanno 'rthaḥ pratibhāsāntaḥpraviṣṭa eva pratibhāsamānatvāt. yo yaḥ pratibhāsamānaḥ sa sa pratibhāsāntaḥpraviṣṭa eva dṛṣṭaḥ yathā pratibhāsasyātmā. pratibhāsamānaś ca sakalo 'rthaś cetanācetanātmako vivādāpannaḥ. tasmāt pratibhāsāntaḥpraviṣṭha eva – ity anumānaṃ na samyak dharmihetudṛṣṭāntānāṃ pratibhāsāntaḥpraviṣṭatve sādhyāntaḥpātitvena anumānotthānāyogāt

Author(s): unidentified
Sources: PrP (Ga) 57,24-27; PrP (Ko) 14,17-22


Fragment 11725
nanu – anumānaṃ tatsādhakam asti "vivādāpannaṃ sarvaṃ paribhāsāntaḥpraviṣṭam, pratibhāsasamānādhikaraṇatvāt. yat pratibhāsasamānādhikaraṇam, tat pratibhāsāntaḥpraviṣṭam, yathā pratibhāsasvarūpam. pratibhāsasamānādhikaraṇaṃ ca sarvam" iti nirduṣṭatvād dhetoḥ pratibhāsamātrarūpaparamabrahmasiddhiḥ – iti cet tad etad svavadhāya kṛtyotthāpanaṃ brahmavādinām ...

Author(s): unidentified
Sources: SŚP 4,25-28


Fragment 11741
yad uktam – sarve 'rthāḥ pratibhāsāntaḥpraviṣṭāḥ pratibhāsasamānādhikaraṇatayāvabhāsamānatvāt pratibhāsasvātmavad – iti brahmādvaitasya sādhanaṃ tad api pratyākhyatam ...

Author(s): unidentified
Sources: AṣṭS 96,12-14


Fragment 11754
syād ākūtam – na pratibhāsamānā nāpratibhāsamānā na pratibhāsabahirbhūtā nāpi pratibhāsāntaḥpraviṣṭā naikā na cānekā na nityā nāpy anityā na vyabhicāriṇī nāpy avyabhicāriṇī sarvathā vicāryamāṇāyogāt. sakalavicārātikrāntasvarūpaiva rūpāntarābhāvāt avidyayā nīrūpatālakṣaṇatvāt – iti. tad etad apy avidyāvijṛmbhitam eva tathāvidhanīrūpatāsvabhāvāyāḥ kenacid avidyāyāḥ kathaṃcid apratibhāsamānāyāḥ vaktum aśakteḥ.

Author(s): unidentified
Sources: PrP (Ga) 57,35-38; PrP (Ko) 15,8-13


Fragment 11774
atrāparaḥ prāha – samyagjñānam arthavyavasāyātmakam eva na svavyavasāyātmakaṃ svātmani kriyāvirodhād ekasya jñānasyānekākārānupapatteḥ. na hi jñānam ekam ākāraṃ karmatām āpannaṃ svam vyavasyati karaṇātmanākāreṇeti vaktuṃ yuktaṃ tābhyaṃ karmakaraṇākārābhyāṃ jñānasyābhede bhedaprasaṅgāt. na hi bhinnābhyāṃ tābhyām abhinnam ekaṃ nāma atiprasaṃgāt tayor vākārayor jñānād abhede bhedavirodhāt. na hy abhinnād abhinnayor bhedaḥ saṃbhāvyate atiprasaṃgād eva. tābhyāṃ vijñānasya bhedopagame na vijñānam ātmanātmānaṃ vyavasyati parātmanā parātmana eva vyavasāyāt. tau cākārau yadi jñānasyātmānau tadā jñānaṃ vyavasyati vā na vā? prathamapakṣe kim ekenākārāntareṇa dvābhyaṃ vākārāntarābhyāṃ tat tau vyavasyet. na tāvad ekenākārāntareṇa virodhāt. dvābhyāṃ vyavasyati iti cet tayor apy ākārāntarayor jñānād abhedo bhedo vā syād ity anivṛttaḥ paryanuyogo anavasthā ca mahīyasī. kathaṃcidbhedaḥ kathaṃcidabhedaḥ ity ubhayapakṣālaṃbanam api anenaivāpāstaṃ pakṣadvayanikṣiptadoṣānuṣaṃgāt pakṣāntarāsaṃbhavācca – iti so 'pi na nyāyakuśalaḥ pratītyatilaṃghanāt.

Author(s): unidentified
Sources: PrP (Ga) 58,31-59,2; PrP (Ko) 17,7-22


Fragment 11822
syān matam – arthajñānaṃ jñānāntaravedyaṃ prameyatvāt ghaṭādivad – ity anumānaṃ svārthavyavasāyātmakatvapratīter bādhakam iti tad api phalguprāyaṃ ...

Author(s): unidentified
Sources: PrP (Ga) 60,7f.; PrP (Ko) 20,1f.; SŚP 37,4f.


Fragment 11837
yadi punar – īśvarasya jñānaṃ sakalārthavad ātmānam api sākṣātkurute nityaikarūpatvāt kramabhāvyanekānityajñānopagame maheśvarasya sakṛtsarvārthasākṣātkaraṇavirodhāt sarvajñatvāvyavasthiteḥ – iti mataṃ tadā katham anenaivānaikāṃtiko hetur na syāt.

Author(s): unidentified
Sources: PrP (Ga) 60,20-22; PrP (Ko) 20,21-24


Fragment 11862
syān matir eṣā – yuṣmākam asmadādijñānāpekṣayārthajñānasya jñānāntaravedyatvaṃ prameyatvena hetunā sādhyate. tato neśvarajñānena vyabhicāraḥ tasyāsmadādijñānād viśiṣṭatvāt. na hi viśiṣṭe dṛṣṭaṃ dharmam aviśiṣṭe 'pi ghaṭayan prekṣāvattāṃ labhate – iti sāpi na parīkṣāsahā jñānāntarasyāpi parajñānena vedyatve 'navasthānuṣaṅgāt.

Author(s): unidentified
Sources: PrP (Ga) 60,22-25; PrP (Ko) 20,25-21,2


Fragment 11881
yo 'py āha – na svavyavasāyātmakaṃ jñānaṃ parokṣatvāt arthasyaiva pratyakṣatvāt. apratyakṣā no buddhiḥ, pratyakṣo 'rthaḥ. sa hi bahirdeśasambaddhaḥ pratyakṣam anubhūyate. "jñāte tv arthe anumānād avagacchati buddhim" iti sābarabhāṣye śravaṇāt. tathā jñānasyārthavat pratyakṣatve karmatvaprasaṅgāt jñānāntarasya karaṇasyāvaśyaṃ parikalpanīyatvāt. tasya cāpratyakṣatve prathame ko 'paritoṣaḥ? pratyakṣatve tasyāpi pūrvavatkarmatāpatteḥ karaṇātmano 'nyavijñānasya parikalpanāyām anavasthāyā durnivāratvāt. tathaikasya jñānasya karmakaraṇadvayākārapratītivirodhāc ca na jñānaṃ pratyakṣaṃ parīkṣakair anumantavyam – iti so 'pi na yathārthamīmāṃsakatām anusartum utsahate ...

Author(s): unidentified
Sources: PrP (Ko) 21,13-21; PrP (Ga) 60,31-36


Fragment 11902
syād ākūtaṃ bhavatām – yasyātmano 'rthe paricchittiḥ pradurbhavati tasya jñānena so 'rthaḥ pratyakṣaḥ pratīyate na sarvasya jñānena sarvo 'rthaḥ pratyakṣaḥ sarvasya pramātuḥ sarvatrārthe paricchitter asaṃbhavāt – iti tad api svagṛhamānyaṃ mīmāṃsakānāṃ kvacid arthe paricchitteḥ pratyakṣatvāpratyakṣatvavikalpānatikramāt.

Author(s): unidentified
Sources: PrP (Ga) 61,1-3; PrP (Ko) 21,24-22,2


Fragment 12118
ye tu manyante – nātmā pratyakṣaḥ karmatvenāpratīyamānatvāt karaṇajñānavat – iti teṣāṃ phalajñānahetor vyabhicāraḥ karmatvenāpratīyamānasyāpi phalajñānasya prābhākaraiḥ pratyakṣatvavacanāt, tasya kriyātvena pratibhāsanāt pratyakṣatve pramātur apy ātmanaḥ kartṛtvena pratibhāsamānatvāt pratyakṣatvam astu.

Author(s): unidentified
Sources: PrP (Ko) 22,28-23,3; PrP (Ga) 61,20-23


Fragment 12136
maivam – nātmā pratyakṣaḥ. pramātṛbhedo hi svasantāne na gṛhyata – ity uktam.

Author(s): unidentified
Sources: NM (2) II 283,17


Fragment 12235
atrāparaḥ kapilamatānusārī prāha – na samyagjñānaṃ svavyavasāyātmakam acetanatvāt ghaṭādivat. na tac cetanam anityatvāt tadvad. anityaṃ cotpattimattvāt vidyudādivat. yat tu svasaṃvedyaṃ tac cetanaṃ nityam anutpattidharmakaṃ ca siddhaṃ yathā puruṣatattvam – iti so 'pi na nyāyavedī vyabhicārisādhanābhidhānāt.

Author(s): unidentified
Sources: PrP (Ko) 23,17-20; PrP (Ga) 61,31-33


Fragment 12253
yad apy abhyadhāyi sāṃkhyaiḥ – jñānam acetanaṃ pradhānapariṇāmatvāt mahābhūtavat – iti tad api na śreyaḥ pakṣasya svasaṃvedanapratyakṣabādhitatvāt.

Author(s): unidentified
Sources: PrP (Ga) 62,1f.; PrP (Ko) 24,1f.


Fragment 12264
etena – na svasaṃvedyaṃ vijñānaṃ kāyākārapariṇatabhūtapariṇāmatvāt pittādivat – iti vadaṃś cārvākaḥ pratikṣiptaḥ.

Author(s): unidentified
Sources: PrP (Ko) 24,9f.; PrP (Ga) 62,5f.


Fragment 12276
nanu – pramāṇatattvasya prameyatattvavad upaplutatvāt na tattvataḥ kiṃcit pramāṇaṃ saṃbhavati iti kasya lakṣaṇam abhidhīyate lakṣyānuvādapūrvakatvāl lakṣaṇavidhānasya. prasiddhaṃ lakṣyam anūdya lakṣaṇaṃ vidhīyata iti lakṣyalakṣaṇabhāvavādibhir abhyupagamāt – iti kecid abhyamaṃsata teṣāṃ tattvopaplavamātram iṣṭaṃ yadi sādhayituṃ tadā sādhanam abhyupagamtavyam.

Author(s): unidentified
Sources: PrP (Ga) 62,13-15; PrP (Ko) 24,23-26


Fragment 12294
na hi pramāṇāntareṇa tad api kartum śakyaṃ yataḥ – paraparyanuyogaparāṇi bṛhaspateḥ sūtrāṇi – ity sūktaṃ syāt.

Author(s): Jayarāśi, unidentified
Sources: SVṬ 299,22-23; TBV 74,11f.; TBV 69,38f.; PrP (Ko) 26,13f.; PrP (Ga) 63,1f.; TAŚV(A) 80,19

Details


Fragment 12367
syād ākūtam – parābhyupagamāt tanniścayasiddheḥ saṃśayotpatter yuktaḥ praśnaḥ. tathāhi: mīmāṃsakābhyupagamāt tāvad aduṣṭakāraṇajanyatvaṃ bādhāvarjitatvaṃ ca nirṇītaṃ niścitatvāpūrvārthatvalokasammatatvavat. tad uktaṃ: tatrāpūrvārthavijñānaṃ niścitaṃ bādhavarjitaṃ | aduṣṭakāraṇārabdhaṃ pramāṇaṃ lokasammataṃ || iti. tathā pravṛttisāmarthyam api naiyāyikābhyupagamān nirṇītaṃ pramāṇato 'rthapratipattau pravṛttisāmarthyād arthavat pramāṇam iti vacanāt. tathārthakriyāprāptinimittatvam avisaṃvāditvalakṣaṇaṃ saugatābhyupagamān nirṇītam eva pramāṇam avisaṃvādi jñānaṃ arthakriyāsthitiḥ | avisaṃvādanaṃ śabdo 'py abhiprāyanivedanād || iti vacanāt. tad idānīṃ cārvākamatānusāreṇa samdihya paryanuyujyamānaṃ na kiṃcid upālambham arhati – iti tad etad api na vyavasthāṃ pratipadyate ...

Author(s): unidentified
Sources: PrP (Ko) 26,17-27,5; PrP (Ga) 63,4-13


Fragment 12919
bhūtebhyaś caitanyam – iti sūtraṃ ...

Author(s): unidentified
Sources: NMGBh (1) 197,4f; NMGBh II 257,24


Fragment 13606
nanu ca – karaṇakārakaparigrahād vacanam udāharaṇaṃ dṛṣṭāntaś cārtho na cānayoḥ sāmānādhikaraṇyaṃ yujyate, na hi viṣāṇādimad ity abhidhānaṃ gavā samānādhikaraṇaṃ bhavati.

Author(s): unidentified
Sources: NV (1) 308,10f; NV 126,13-15

Details


Fragment 13667
nanu ca – evaṃ pramāṇasiddham api kiṃ svataḥ pramāṇyam ātmasātkurvīta parato vā? na tāvat svataḥ sarvatra sarvadā sarvasya tadvipratipattyabhāvaprasaṅgāt. nāpi parataḥ, anavasthānuṣaṅgāt parāparapramāṇānveṣaṇāt kvacid avasthiter ayogāt, prathamapramāṇād dvitīyasya prāmāṇyasādhane dvitīyāc ca prathamasya parasparāśrayāṇāpatteḥ prakārāntarābhāvāt – iti kecit. te 'py asamīkṣitavacasaḥ saṃlakṣyante ...

Author(s): unidentified
Sources: PrP (Ga) 63,21-24; PrP (Ko) 27,19-24


Fragment 13684
syād ākūtam – na pratyakṣam anumānāgamārthāpattyupamānābhāvapramāṇapūrvakaṃ tadabhāve'pi cakṣurādisāmagrīmātrāt tasya prasūteḥ prasiddhatvāt, tadabhāva evābhāvaniyamāt – iti tad apy asat laiṅgikādīnām api pratyakṣapūrvakatvābhāvāt.

Author(s): unidentified
Sources: PrP (Ga) 64,11-13; PrP (Ko) 29,11-15


Fragment 13703
syān matir eṣā – na pratyakṣaṃ svaviṣayasambandhāvabodhanibandhanaṃ prāmāṇyam ātmasātkurute tasya svaviṣaye svayogyatābalād eva pramāṇatvavyavasthiteḥ, anyathā kvacid apūrvārthagrāhiṇaḥ pratyakṣasyāpramāṇatvānuṣaṅgāt – iti sāpi na sādhīyasī ...

Author(s): unidentified
Sources: PrP (Ga) 67,6-8; PrP (Ko) 35,23-26


Fragment 13760
nanu ca – tad evety atītapratibhāsasya smaraṇarūpatvāt, idam iti saṃvedanasya pratyakṣarūpatvāt saṃvedanadvitayam evaitat, tādṛśam evedam iti smaraṇapratyakṣasaṃvedanadvitayavat. tato naikaṃ jñānaṃ pratyabhijñākhyāṃ pratipadyamānaṃ saṃbhavati – iti kaścit ...

Author(s): unidentified
Sources: PrP (Ga) 69,32-34; PrP (Ko) 42,20-23


Fragment 14048
nanu – sākalyena sādhyanivṛttau sādhananivṛtter asambhavāt paratra gaure 'pi tatputre tatputratvasya bhāvān na samyak sādhanam etat – iti cet tarhi kārtsnyena sādhyanivṛttau sādhananivṛttiniścaya evaikaṃ sādhanalakṣaṇam.

Author(s): unidentified
Sources: PrP (Ga) 71,1f.; PrP (Ko) 45,22-24


Fragment 14172
yathaiva hi naiyāyikādayaḥ – paramāṇavo viviktāvasthāvat pracayāvasthāyām api paramāṇutvaṃ na tyajanti – iti manyante na tathā syādvādino yena taddoṣas teṣām anuṣajyeta ...

Author(s): unidentified
Sources: SŚP 25,1-3


Fragment 14938
tac ca na, dārḍhyād – ity eke. eke tu bruvate – nedaṃ nigrahasthānaṃ dārḍhyāt. dārḍhyaṃ hi jñāpyasya bhūyobhir jñāpakair dṛṣṭaṃ yathā dhūmālokābhyām agner – iti.

Author(s): eke, unidentified
Sources: NV (1) 1186,7f; NV 525,15f

Details


Fragment 14938
tac ca na, dārḍhyād – ity eke. eke tu bruvate – nedaṃ nigrahasthānaṃ dārḍhyāt. dārḍhyaṃ hi jñāpyasya bhūyobhir jñāpakair dṛṣṭaṃ yathā dhūmālokābhyām agner – iti.

Author(s): eke, unidentified
Sources: NV (1) 1186,7f; NV 525,15f

Details


Fragment 15211
atra kecid āhuḥ – yady api svārthālocanamātratvaṃ pratyakṣasya, tathāpi naiva sāmānyaviśeṣaviṣayatvābhāvaḥ, śabdāder anarthāntaratvāt sāmānyaviśeṣayoḥ sarvathaiva śabdāder indriyaviṣayatvāt – iti.

Author(s): unidentified
Sources: PSṬ 2 (I) 98,3-5; PSṬ 2 (II) B 87a3f


Fragment 15233
pratyakṣaphalaṃ pratyakṣam – iti.

Author(s): unidentified
Sources: PSṬ 2 (I) 98,11; PSṬ 2 (II) B 87a6


Fragment 15249
atha vā kecid evaṃ vyācakṣate – ekasmāt ...pratyakṣād iti pratyakṣaśabdo'yaṃ prasiddhatvam upalakṣayati. pratyakṣāt prasiddhād ity arthaḥ. tena pratyakṣāt pratyakṣaphalāc cānyasyāpi jñānasya viṣaye liṅge pratyakṣavyapadeśo bhaviṣyati. – iti.

Author(s): unidentified
Sources: PSṬ 2 (I) 99,1-4; PSṬ 2 (II) B 87b1f


Fragment 15307
apara āha – niyamābhyupagame nāyaṃ doṣaḥ, pratipattidraḍhimne tadabhidhānād – iti.

Author(s): apare, unidentified
Sources: NM (1) II 200,33; NM III 191,14f; NM (2) II 700,7f

Details


Fragment 15307
apara āha – niyamābhyupagame nāyaṃ doṣaḥ, pratipattidraḍhimne tadabhidhānād – iti.

Author(s): apare, unidentified
Sources: NM (1) II 200,33; NM III 191,14f; NM (2) II 700,7f

Details


Fragment 15400
prasaṅgavidhānān na nigrahasthānam – ity anye. apare tu bruvate – naitan nigrahasthānaṃ prasaṅgavidhānāt – naivāyaṃ paścād api taṃ doṣaṃ pratipadyate, api tu prasaṅgaṃ karoti, yadi puruṣatvāc cauro bhavati bhavān api puruṣas tasmāc caura – iti.

Author(s): anye, apare, unidentified
Sources: NV (1) 1194,7-9; NV 528,14-16; NV (3) 559,15-18

Details


Fragment 15400
prasaṅgavidhānān na nigrahasthānam – ity anye. apare tu bruvate – naitan nigrahasthānaṃ prasaṅgavidhānāt – naivāyaṃ paścād api taṃ doṣaṃ pratipadyate, api tu prasaṅgaṃ karoti, yadi puruṣatvāc cauro bhavati bhavān api puruṣas tasmāc caura – iti.

Author(s): anye, apare, unidentified
Sources: NV (1) 1194,7-9; NV 528,14-16; NV (3) 559,15-18

Details


Fragment 15400
prasaṅgavidhānān na nigrahasthānam – ity anye. apare tu bruvate – naitan nigrahasthānaṃ prasaṅgavidhānāt – naivāyaṃ paścād api taṃ doṣaṃ pratipadyate, api tu prasaṅgaṃ karoti, yadi puruṣatvāc cauro bhavati bhavān api puruṣas tasmāc caura – iti.

Author(s): anye, apare, unidentified
Sources: NV (1) 1194,7-9; NV 528,14-16; NV (3) 559,15-18

Details


Fragment 15421
naiyāyikānāṃ tv iti. rūḍher anantaraṃ ca tanmatasyopakṣepād ākṣapādānām iti gamyate. – indriyārthasannikarṣotpannam – ityādi.

Author(s): Akṣapāda, unidentified
Sources: PSṬ 1 (I) 96,3f


Fragment 15634
paraṃ praty asiddhatvam evāvayavinaḥ sādhyatvam. sa khalv evaṃ mene: – saṃ­vin­niṣṭhā hi viṣayavyavasthitiḥ. sa eva ca saṃvidā vyavasthāpyate, yas tasyā vi­ṣa­yaḥ. sa eva ca viṣayaḥ, ya svākāram asyāṃ arpayati. na ca nir­an­ta­rot­pan­na­rū­pā­di­pa­ra­mā­ṇ­vati­rik­tam avayavyākāraṃ bibhratīṃ saṃvidam īkṣāmahe, kiṃ tu nir­an­ta­rot­pan­na­rū­pā­di­pa­ramāṇvākārāṇām. sthaulyaṃ ca na yady api paramāṇūnāṃ pratyekam asti, ta­thā­pi pra­ti­bhā­sadharmo ba­hu­tvādi­vat, na punar avayavinam ekam ava­sthā­pa­yi­tum ar­ha­ti. yad āhuḥ: so ’yam amūl­ya­dā­na­kra­yī svā­kā­raṃ na jñā­ne samar­pa­ya­ti prat­yak­ṣa­tāṃ ca svī­kartum icchaty ava­yavī – iti. tad evam param praty avayavino ’sid­dher vi­pra­ti­pat­tiḥ.

Author(s): unidentified
Sources: NVTṬ (1) 478,12-18; NVTṬ 342,3-11

Details


Fragment 15805
yad uktaṃ bhāṣyakāreṇa – parapakṣapratiṣedhena svapakṣasiddhir – iti.

Author(s): unidentified
Sources: PSṬ 2 (I) 131,11f; PSṬ 2 (II) B 99b6


Fragment 15853
na ca – darśanaṃ sparśanaṃ ca dravyam  – iti dvīṃdriyagrāhyaṃ dravyam upagamyate tasya ghrāṇarasanaśrotramanogrāhyatvenāpi prasiddheḥ ...

Author(s): unidentified
Sources: TAŚV(A) 433,7; Frauwallner 1956 329, n. 222

Details


Fragment 15871
nāntar bahir vāṃśebhyo bhinno ’ṃśī kaścit tattvato ’sti. yo hi prat­yak­ṣa­bud­dhāv āt­mā­naṃ na sam­arpayati pratyakṣatāṃ ca svīkaroti, so ’yam amūl­ya­dā­na­­krayī  – ity ayuk­ti­kam eva sthaviṣṭhasyaikasya sphuṭaṃ sākṣātkaraṇāt tadvyatirekeṇāṃśānām evā­pra­ti­bhā­sanāt.

Author(s): unidentified
Sources: TAŚV(A) 118,25-27

Details


Fragment 15891
atha – pratyāsannāsaṃsṛṣṭā rūpādiparamāṇavaḥ pratyakṣāḥ, teṣāṃ sva­kā­ra­ṇa­sā­ma­grī­va­śāt pratyakṣasaṃvijjananasamarthānām evotpatteḥ, skan­dhasyāpi tata eva pa­reṣāṃ prat­yakṣatopapatter anyathā sar­va­skan­dhā­nāṃ pratyakṣatvaprasaṅgāt skan­dha­tvā­vi­śe­ṣāt. tadaviśeṣe ‘pi keṣāñ­cit pratyakṣatve pareṣām aprat­yak­ṣa­sva­bhā­vatve pi­śā­ca­śa­rī­rā­dī­nāṃ tathā svakāraṇād utpatteḥ paramāṇūnām api keṣāñcit prat­yak­ṣa­tvam anyeṣām aprat­yakṣatvaṃ tata evāstu. kim avayaviparikalpanayā tas­yā­mūl­ya­dānakrayitvāt. sa hi prat­yakṣe svātmānaṃ na samarpayati prat­yakṣatāṃ ca svī­kar­tum icchatīty amūl­ya­dā­na­kra­yī, vi­kal­pa­bud­dhāv eva tasya prati­bhā­sa­nād vi­cār­yamāṇasya sarvathā­nu­pa­pan­na­tvāt – iti mataṃ.

Author(s): unidentified
Sources: AṣṭS 79,8-14


Fragment 15914
nanu – pa­ra­mā­ṇuṣv evātyāsannāsaṃsṛṣṭeṣu dṛṣ­ṭau pra­ti­bhā­samāneṣu ku­taś­cid vi­bhra­ma­ni­mit­tād ātmani paratra cāsantam eva sthū­lā­kā­ram ādar­śayantī saṃvṛtis tān saṃ­vṛ­ṇo­ti keśādibhrāntivat – iti cet.

Author(s): unidentified
Sources: AṣṭS 175,23-176,2; SŚP 21,21f.

Details


Fragment 15938
sa­ma­vā­yāt tebhyo ’narthāntaram iva pratibhāsate – iti cet.

Author(s): unidentified
Sources: AṣṭS 176,6f.; SŚP 36,1

Details


Fragment 50207
anyair apy uktam – – vṛttiḥ sūtraṃ tilā māṣāḥ kaṭandī kodravodanaḥ / ajaḍāya pradātavyaṃ jaḍīkaraṇam uttamam – iti //

Author(s): anye
Sources: NM (2) part II, 246,14-16; NM part II, 184,9-11


Fragment 83952
atha – ityādi. ayathārthaṃ jñānaṃ mithyajñānam. ādiśabdena saṃśayajñānaṃ gṛhyate. tasyāyathārthādijñānasya nivṛttaye – vyavasāyātmakam ity ucyate. – etad darśayati — nātra vyayasāyaśabdo niścayaparyāyaḥ, kiṃ tarhi bhūtārthagrahaṇaparyāyaḥ. vyavasāyātmakam iti bhūtārthagrahaṇasvabhāvam ity arthaḥ. kasmād ayuktaṃ viśeṣaṇam – ity āha …

Author(s): commentator on NSū
Sources: PSṬ 1 (I) 101,13-17

Details


Fragment 85236
nanu cendriyam atīndriyam. tat kathaṃ tadapekṣayā kiñcit sāntaram iti gṛhyetādhikam iti vā. na ca rūpādīnāṃ parimāṇam asti, nirguṇatvād guṇānām. tat kutas teṣām ādhikyagrahaṇam. na ca paro gandhādibhiḥ sahendriyasya nairantaryam icchati, tais tasya saṃyogābhāvāt. tat katham idam uktam1 na hīndriyanirantare gandhādāv ityādi.

Author(s): unidentified
Sources: PSṬ 1 (I) 106,9-13


Fragment 85362
kecid āhuḥ – ghrāṇarasanacakṣustvakśrotrāṇīndriyāṇi bhūtebhya iti naivātra ghrāṇādīnām indriyatvaṃ vidhīyate, kiṃ tarhīndriyatvena prasiddhānām eva bhautikatvam. abhautikaṃ ca manaḥ. tasmān na nirdiśyate – iti.

Author(s): unidentified
Sources: PSṬ 1 (I) 112,7-9

Anonymous information in primary sources


Anonymous reports in primary sources