Vasubandhu

Other denominations:
Philosophical tradition: Bauddha
Worktitles:



Prosopographical information about Vasubandhu in primary sources


Information 15438
ihācāryavasubandhor vādavidhir iti loke pravādaḥ. ayaṃ tu śāstrakṛt tatkṛtānāṃ śāstrāntarāṇāṃ nirdoṣatāṃ dṛṣṭvā sadoṣasya vādavidhes tatpraṇītatām asambhāvayann āha – na vādavidhir ācāryasyeti.

Author(s): Vasubandhu
Sources: PSṬ 1 (I) 86,4-6; PSṬ 1 (II) B 16a4-6


Information 15478
kathaṃ punar etad avagamyate yathā tasya tatrāsāraniścaya ity āha anyathāvayavaprokter iti. nirdoṣāvayavābhidhānād ity arthaḥ. yad doṣadarśanāc cācāryeṇa vādavidhāv asāraniścayād vādavidhāne 'nyathāvayavāḥ proktāḥ, ta evāsmābhir doṣāḥ prakāśayanta iti darśayann āha tenetyādi. teneti doṣavattvena.

Author(s): Vasubandhu
Sources: PSṬ 1 (I) 86,13-16



Fragments attributed to Vasubandhu


Report 15457
nanu cādṛṣṭakartṛkāṇāṃ śāstrāṇāṃ kartā pravādād evāvasīyate. sa cehāpy astīti kathaṃ na vādavidhir ācāryasyety āha asāro veti niścaya iti. prakṛtatvād ācāryasya tatreti gamyate. anenaitam arthaṃ sūcayati na tāvat prasiddhimātreṇārthaniścayo bhavati, artham antareṇāpi tasya sambhavāt. yady api ca tena sa viracitaḥ, tathāpi prathamam anupajātaprajñātiśayena satā. paścād vyavadātabuddher asya tatrāsāraniścayo jāta iti.

Author(s): Vasubandhu
Sources: PSṬ 1 (I) 86,7-12


Report 15503
tathā hy anyathāvayavaprokter ity anena doṣavattvaṃ vādavidheḥ sūcitam. pramāṇādiṣv iti pramāṇāvayavatadābhāsajātitaduttareṣu.

Author(s): Vasubandhu
Sources: PSṬ 1 (I) 87,1f


Fragment 15517
tato 'rthād vijñānaṃ pratyakṣam iti. yasya viṣayasya vijñānaṃ vyapadiśyate, yadi tata eva tad utpadyate, nānyataḥ, nāpi tato 'nyataś ca, taj jñānaṃ pratyakṣam. tad yathā rūpādijñānaṃ sukhādijñānam iti. etena bhrāntijñānaṃ nirastam, yathā śuktikāyāṃ rajatajñānam. tad dhi rajatena vyapadiśyate rajatajñānam iti. na ca tad rajatād utpadyate, śuktikayaiva tu tad upajanyate. samvṛtijñānam apy anenāpāstam. tathā hi tad ghaṭādibhir vyapadiśyate, ghaṭajñānaṃ ghaṭajñānam ity evam. na tu tat tebhyo bhavati, teṣāṃ saṃvṛtisattvenākāraṇatvāt. rūpādibhya eva hi tathāsanniviṣṭebhyas tad bhavati. anumānajñānam apy anenaiva nirastam. dhūmajñānasambandhasmṛtibhyām api hi tad bhavati, nāgnita eva. tato bhavaty eva, na tu na bhavatīty ayam apy atrārtho 'bhimataḥ.

Author(s): Vasubandhu
Sources: PSṬ 1 (I) 87,3-12


Fragment 15554
anyathā katham idaṃ yujyate, yad uktaṃ vādavidhau – anumānajñānam apy anenaiva nirastam. dhūmajñānasambandhasmṛtibhyām api hi tad bhavati, nāgnita eva – iti.

Author(s): Vasubandhu
Sources: PSṬ 1 (I) 89,10-12; PSṬ 1 (II) B 17b3


Fragment 15570
tataś ca tad ayuktaṃ syāt, yad uktam – dhūmajñānasambandhasmṛtibhyām api hi tad bhavati, nāgnita eva – iti.

Author(s): Vasubandhu
Sources: PSṬ 1 (I) 90,3-5; PSṬ 1 (II) B 17b6f