Nyāyabhāṣyakāra (a)

Other denominations:
Philosophical tradition: Nyāya
Worktitles: Nyāyabhāṣya (a)



Prosopographical information about Nyāyabhāṣyakāra (a) in primary sources


No information available



Fragments attributed to Nyāyabhāṣyakāra (a)


Fragment 83844
naiyāyikānāṃ tv iti. rūḍher anantaraṃ ca tanmatasyopakṣepād ākṣapādānām iti gamyate. indriyārthasannikarṣotpannam ityādi. – indriyāṇi ghrāṇarasanacakṣustvakśrotrāṇi. arthāḥ pañca gandhādayas tadāśrayāḥ karma sattādayaś ca. teṣāṃ sannikarṣaḥ sambandhaḥ. sa tu pañcavidhaḥ, saṃyogaḥ saṃyuktasamavāyaḥ saṃyuktasamavetasamavāyaḥ samavāyaḥ samavetasamavāyaś ca. tatrendriyasya dravyeṇa saṃyogalakṣaṇaḥ sambandhaḥ, na rūpādibhiḥ. anyathobhayāśrayatvāt saṃyogasya te 'pi guṇavantaḥ syuḥ. nirguṇāś ca guṇāḥ. tasmād indriyasaṃyogād dravye jñānam utpadyate, yadātmā manasā saṃyujyate, mana indriyeṇa, indriyam arthena. dravyam atrārtho 'bhipretaḥ. dravyasamaveteṣu tu rūpādiṣu guṇeṣu tathā dravyatvādiṣu sāmānyaviśeṣeṣu karmaṇi ca saṃyuktasamavāyāt. rūpatvādiṣu saṃyuktasamavetasamavāyāt. tathā guṇatvakarmatvayoḥ. śabde tu samavāyāt. sa hi śravaṇaśaṣkulīparicchinnadharmādharmābhisaṃskṛtākāśadeśalakṣaṇe śrotrendriye samaveto gṛhyate. yas tu śrotrādivicchinnadeśa utpadyate, sa tatrāsamavetatvān na gṛhyata eva. tena tu śabdāntarāṇi sarvadikkāny ārabhyante, tair apy anyāni. evaṃ śabdāntarārabdhaśabdaparamparayā śrotrendriye yaḥ samavaiti śabdaḥ, tasyendriyasamavāyād grahaṇaṃ bhavati, yadātmā manasā saṃyujyate, mano 'pi śrotreṇa. śabdajātau tu samvetasamavāyāt. sattāyāṃ tu dravyasamavetāyāṃ5 saṃyuktasamavāyāt, guṇakarmasamavetāyāṃ saṃyuktasamavetasamavāyāt, śabdasamavetāyāṃ tu samavetasamavāyād iti. tad evaṃ pañcaprakāraḥ sambandho jñānahetuḥ. tasmād utpannaṃ nābhivyaktaṃ jñānaṃ pratyakṣam. jñānagrahaṇaṃ sukhādivyavacchedārtham. vyapadiśyate jñāpyate saṃyogyādinā liṅgeneti vyapadeśyo viṣayaḥ. nāsya vyapadeśyo viṣayo 'stīty avyapadeśyam. atha vā tad eva jñānaṃ svarūpeṇa na vyapadiśyate na nirdiśyata ity avyapadeśyam. mṛgatṛṣṇādir viṣayo vyabhicārī, yathā jalādirūpatvena gṛhyate, tathāsattvāt. nāsya vyabhicāry astīty avyabhicāri. atha vā tad eva jñānam atasmiṃs tadgrahād vyabhicāri. vyavasāya ātmāsyeti vyavasāyātmakam. ātmaśabdaḥ svabhāvavacanaḥ kāryavacano vā.

Author(s): Nyāyabhāṣyakāra (a)
Sources: PSṬ 1 (I) 96,3-4 and 96,5-98,5


Fragment 84344
anekadhā hi vyabhicāraśabdasyārthaḥ. kvacid anyathābhāvaḥ – vyabhicārī viṣayaḥ – iti.

Author(s): Nyāyabhāṣyakāra (a)
Sources: PSṬ 1 (I) 103,15-16