Aviddhakarṇa

Other denominations:
Philosophical tradition: Lokāyata/Cārvāka, Nyāya
Worktitles: Tattvaṭīkā, Bhāṣyaṭīkā



Prosopographical information about Aviddhakarṇa in primary sources


Information 2667
evamādis tattvaṭīkāyām udāharaṇaprapañco draṣṭavyaḥ.

Author(s): Aviddhakarṇa, Aviddhakarṇa (Lokāyata/Cārvāka)
Sources: TSP (1) 521,15; TSP 426,13


Information 25462
yat punar udāhṛtam aviddhakarṇena bhāṣyaṭīkāyāṃ . . .

Author(s): Aviddhakarṇa, Aviddhakarṇa (Nyāya)
Sources: VNṬ (1) 92,22; VNṬ (2) 89,17

Details


Information 25514
aviddhakarṇas tu bhāṣyaṭīkāyām idam āśaṅkya parijihīrṣati.

Author(s): Aviddhakarṇa, Aviddhakarṇa (Nyāya)
Sources: VNṬ (1) 78,22; VNṬ (2) 76,22f

Details


Information 25852
atra ca adhyayenā(adhyayanā?)viddhakarṇoddyotakarādibhir yad uktam . . .

Author(s): Adhyayana, Aviddhakarṇa, Aviddhakarṇa (Nyāya), Uddyotakara
Sources: TBV 322,15

Details


Information 26445
aviddhakarṇas tattvaṭīkāyām āha . . .

Author(s): Aviddhakarṇa, Aviddhakarṇa (Lokāyata/Cārvāka)
Sources: TSP 432,22; TSP (1) 529,13

Details



Fragments attributed to Aviddhakarṇa


Report 1791
vastvanantarabhāvāc ca hetumān eva yujyate /
abhūtvābhāvataś cāpi yathaivānyaḥ kṣaṇo mataḥ //


Author(s): Aviddhakarṇa
Sources: TS (1) 172,6f; TS 369


Fragment 2199
syād etat – yady adṛṣṭaṃ śauklādirūpaṃ vāsaso nāsty eva tat kathaṃ dhautādyavasthāyāṃ punar upalabhyate – iti.

Author(s): Aviddhakarṇa, Aviddhakarṇa (Nyāya)
Sources: TSP 191,12f; TSP (1) 238,13f

Details


Fragment 2209
syād etat – katham idam avagamyate rūpāntaram evopajāyate na punaḥ prāktanaṃ rūpam abhibhutatvāt prāganupalabdhaṃ sat paścādabhibhavābhāvād upalabhyate – iti.

Author(s): Aviddhakarṇa, unidentified
Sources: TSP 191,18f; TSP (1) 238,17f

Details


Fragment 2216
parasyottaram ... – saṃjñāpakapramāṇaviṣayasya bhāvas tattvaṃ sadupalambhakapramāṇaviṣayatvaṃ nāma dharmāntaraṃ ṣaṇṇām astitvam iṣyate – ity arthaḥ.

Author(s): Aviddhakarṇa
Sources: TSP 192,13-17; TSP (1) 239,19f


Fragment 2674
aviddhakarṇas tattvaṭīkāyām āha – nanu vā pramāṇena kim iti paraḥ pratipādyate, ubhayasiddhaṃ hi pratipādakaṃ bhavatīti. tad etad ayuktam. yasmād vacanātmakam anumānam na ca vaktuḥ pramāṇam, atha ca vaktā tena paraṃ pratipādayati, parapratipādanārthatvāt prayāsasya, nāvaśyam ubhayasiddhena prayojanam – iti.

Author(s): Aviddhakarṇa, Aviddhakarṇa (Lokāyata/Cārvāka)
Sources: TSP (1) 529,13-16; TSP 432,22-25

Details


Fragment 2685
tena yad ucyate 'viddhakarṇena – satyam anumānam iṣyata evāsmābhiḥ pramāṇaṃ lokapratītatvāt kevalaṃ liṅgalakṣaṇam ayuktam – iti tad apāstam.

Author(s): Aviddhakarṇa, Aviddhakarṇa (Lokāyata/Cārvāka)
Sources: PVSVṬ 19,3f

Details


Report 2699
itarasyācetanasya vā bhūmyādeḥ mūrtasya – anenāviddhakarṇasya samayo darśitaḥ.

Author(s): Aviddhakarṇa
Sources: SVṬ 306,22


Fragment 2707
nāsti samsāraḥ kāyāntarasaṃcāraḥ / kuto nāsti? – buddher avasthānāt tasyā eva tadupagamād iti cet; na; kāryasya buddheḥ abhāvagateḥ abhāvaprāpter abhāvanirṇayād vā. na hi kāraṇanivṛttau kāryasyāvasthānam atatkāryatvāpatteḥ. – ity evam kaścana cārvākaviśeṣo 'viddhakarṇaḥ.

Author(s): Aviddhakarṇa, Aviddhakarṇa (Lokāyata/Cārvāka)
Sources: NViV II 101,24-26


Fragment 2843
prayogaḥ – ye bhinnakartṛkāryakālaparimāṇās te vibhinnāḥ yathā stambhakumbhādayaḥ, vibhinnakartṛkāryakālaparimāṇāś ca vicāraviṣayāḥ. nāsiddho hetur nāpy anaikāntikaḥ. viruddhadharmādhyāsamātranibandhano hi bhāvānāṃ parasparato bhedaḥ, yathā stambhādīnāṃ sa cāvayavāvayavinor apy asti. tathā hi -- tantūnāṃ yoṣitkartrī, paṭasya kuvindaḥ, śītāpanodādikāryasamarthaḥ paṭo na tantavaḥ, prāg api tantūnām upalabdheḥ pūrvakālabhāvitvaṃ, paṭasya tu paścāt kuvindādivyāpārottarakālabhāvitvam, paṭasyāyām avistarābhyāṃ yāvat pramāṇaṃ na tāvat pratyekaṃ tantūnām astīti bhinnaparimāṇatvam ato nānaikāntikatā hetūnām – iti bhāvaḥ.

Author(s): Aviddhakarṇa, Aviddhakarṇa (Nyāya)
Sources: TSP 189,9-15

Details


Fragment 2943
etena yad apy ucyate 'dhyayanāviddhakarṇoddyotakarādibhiḥ – yadi tulāntayor nāmonnāmavat kāryotpattikāla eva kāraṇavināśaḥ. yadi (? tadā) kāryakāraṇabhāvo na syād yataḥ kāraṇasya vināśaḥ kāraṇotpāda(ḥ.) evaṃ bhāva eva nāśa iti vacanād evaṃ ca kāraṇena saha kāryam utpannam iti prāptam. yadi ca bhāva eva nāśaḥ prathame 'pi kṣaṇe bhāvasya na sattā syāt. vināśād bhāvanivṛttiś ca vināśo lokapratīto na bhāva eva. sarvakālaṃ ca nāśasadbhāvād bhāvasya satvaṃ syāt. atha kāraṇotpādāt kāraṇavināśo bhinnas tadā kṛtakasvabhāvatvam anityatvasya na syāt. vyatirikte ca nāśe jāte tasya kṣaṇasya na nivṛttir iti kathaṃ kṣaṇikatvam – iti.

Author(s): Adhyayana, Aviddhakarṇa, Uddyotakara
Sources: PVSVṬ 90,26-91,5


Fragment 3026
yad api gajaturagasyandanādivyatiriktanimittaprabhavaḥ senāpratyayaḥ, gajādipratyayavilakṣaṇatvāt, vastracarmakambaleṣu nīlapratyayavad – iti saṃkhyāsiddhaye yad aviddhakarṇoktaṃ pramāṇam, tad apy ayuktam.

Author(s): Aviddhakarṇa, Aviddhakarṇa (Nyāya)
Sources: TBV 674,17-19


Fragment 3092
aviddhakarṇas tv aṇūnāṃ nityatvaprasādhanāya pramāṇam āha – paramāṇūnām utpādakābhimataṃ saddharmopagataṃ na bhavati; sattvapratipādakapramāṇāviṣayatvāt, kharaviṣāṇavad – iti.

Author(s): Aviddhakarṇa
Sources: TSP (1) 233,12-14; TSP 187,4f


Fragment 3110
aviddhakarṇas tv āha – viprakīrṇaiś ca vacanair naikārthaḥ pratipādyate /
tena sambandhasiddhyarthaṃ vācyaṃ nigamanaṃ pṛthak //
iti.


Author(s): Aviddhakarṇa, Aviddhakarṇa (Nyāya)
Sources: TSP 422,5f; TSP (1) 516,9-11


Fragment 3123
aviddhakarṇas tv āha – āgamāt sāmānyena pratipadyate, viśeṣapratipattis tūpamānād – iti.

Author(s): Aviddhakarṇa, Aviddhakarṇa (Nyāya)
Sources: TSP (1) 553,13f; TSP 452,16


Fragment 4759
samprati pareṣāṃ pratyavasthānam anubhāṣate
sanniveśaviśiṣṭānām utpattiṃ yo gṛhādivat |
sādhayec cetanādhiṣṭhāṃ dehānāṃ tasya cottaram |


Author(s): Aviddhakarṇa, Aviddhakarṇa (Nyāya)
Sources: ŚV sambandhākṣepa, v. 74 (p. 467,21-22)


Fragment 4765
atrāviddhakarṇopanyastam īśvarasādhane pramāṇadvayam (... TS 47f ...). tad uktam – dvīndriyagrāhyāgrāhyaṃ vimatyadhikaraṇabhāvāpannaṃ buddhimatkāraṇapūrvakam, svārambhakāvayavasanniveśaviśiṣṭatvāt, ghaṭādivat, vaidharmyeṇa paramāṇava – iti.

Author(s): Aviddhakarṇa, Aviddhakarṇa (Nyāya)
Sources: TSP (1) 52,16-18; TSP 41,14-20

Details


Fragment 5217
atrāviddhakarṇas tāvat pramāṇayati – mātur udaraniṣkramaṇottarakālaṃ madīyādyaprajñānasaṃvedakasaṃvedyāny atatkālāni madīyāni prajñānāni; madīyaprajñānatvāt, ādyamadīyaprajyānavat. evaṃ duḥkhādayo 'pi pakṣīkarttavyāḥ.

Author(s): Aviddhakarṇa
Sources: TSP 82,12-14; TSP (1) 106,9-11


Fragment 5240
vibhutvasiddhaye pramāṇayati – avanijalānilamanāṃsi vipratipattiviṣayabhāvāpannāni dūrataravarttīni madīyenātmanā saha sambadhyante; mūrttatvavegavattvaparatvāparatvamithaḥsaṃyogavibhāgavattvebhyaḥ, madīyaśarīrādivad – iti.

Author(s): Aviddhakarṇa
Sources: TSP 82,19-21; TSP (1) 106,15-17


Report 5307
nanu – naiva vināśo 'yaṃ sattākāle 'sti vastunaḥ /
na pūrvaṃ na cirāt paścād vastuno 'nantaraṃ tv asau //
evaṃ ca hetumān eṣa yukto niyatakālataḥ /
kādācitkatvayogo hi nirapekṣe nirākr̥taḥ //


Author(s): Aviddhakarṇa
Sources: TS (1) 172,2-5; TS p. 136 (v. 367)


Fragment 5480
aviddhakarṇas tu – dve eva pramāṇe, svalakṣaṇasāmānyalakṣaṇābhyāṃ cānyat prameyaṃ nāstīty – etad vighaṭanārthaṃ pramāṇayati – pratyakṣam anumānavyatiriktapramāṇāntarasadvitīyam; pramāṇatvāt, anumānavat. anumānaṃ vā pratyakṣavyatiriktapramāṇāntarasadvitīyam, pramāṇatvāt, pratyakṣavat. tathā svalakṣaṇaṃ sāmānyalakṣaṇavyatiriktaprameyārthāntarasadvitīyam, prameyatvāt, sāmānyalakṣaṇavat. sāmānyalakṣaṇaṃ vā svalakṣaṇavyatirikta­prameyāntara­sadvitīyam, prameyatvāt, svalakṣaṇavad – iti.

Author(s): Aviddhakarṇa
Sources: TSP (1) 556,22-557,10; TSP 455,22-28


Fragment 6875
yat punar udāhṛtam aviddhakarṇena bhāṣyaṭīkāyāṃ – vyaktam ekaprakṛtikaṃ parimitatvāc charāvādivad – iti.

Author(s): Aviddhakarṇa, Aviddhakarṇa (Nyāya)
Sources: VNṬ (1) 92,22f

Details


Fragment 7214
aviddhakarṇṇas tv āha – avinābhāvitvaṃ ekaṃ dṛṣṭvā dvitīyādidarśane sati sidhyati (/) na ca kṣaṇikavādino draṣṭur avasthānam asti / na cānyenānubhūte rthe nyasyāvinābhāvitvasmaraṇam asty atiprasaṅgād – iti.

Author(s): Aviddhakarṇa
Sources: PVSVṬ 98,10--12