vyākhyātāraḥ

Other denominations:
Philosophical tradition: Nyāya
Worktitles:



Prosopographical information about vyākhyātāraḥ in primary sources


No information available



Fragments attributed to vyākhyātāraḥ


Fragment 87528
tad etad ācāryavyākhyānam arocayantaḥ pare 'parathā vyācakṣate – sāmānyalakṣaṇaṃ tāvat vimarśapadenaiva pratipādyate, na hi paryāyoccāraṇamātram idaṃ vimarśaḥ saṃśaya iti kin tu saṃśaya iti lakṣyapadam vimarśa iti lakṣaṇapravaṇapadam, pramāṇapadavac ca nirvacanasavyapekṣam etat padaṃ lakṣaṇapratipādanakṣamaṃ bhavati, viruddhārthāvamarśo vimarśaḥ, sthāṇur vā puruṣo veti, iyatā ca sajātīyasaṃśayapañcakānugataṃ vijātīyebhyaḥ pramāṇādibhyo vyavacchinnaṃ sāmānyalakṣaṇam uktaṃ bhavati. saṃśayotpādakakāraṇaparigaṇanaṃ punar indriyārthasannikarṣotpannagrahaṇavad ihāpi nopayujyate kāraṇāntarāṇām apy ātmamanaḥsannikarṣādīnām aparihāryatvāt – (iti?). atrāpy asādhāraṇakāraṇanirdeśaś cikīrṣitas tenāpi ko 'rthaḥ? sāmānyalakṣaṇasya pratipipādayiṣitatvāt tasya ca vimarśapadād eva siddhatvāt, upalabdhyanupalabdhyavyavasthāpadapratipādyamānaviśeṣāgrahaṇavarṇanaṃ cātīva kliṣṭam iti punaś ca viśeṣalakṣaṇaprasaṅge yathāśrutam eva tad vyākhyeyam ity atibhāraḥ, evaṃ vimarśapadena vijātīyavyavacchedakāriṇi sāmānyalakṣaṇe varṇite samānadharmopapatter ity ekam eva padaṃ sajātīyasaṃśayāntaravyavacchedakāriviśeṣalakṣaṇakṣamaṃ bhavatīti tatrāpi padatrayayojanaṃ nopayujyata – iti.

Author(s): vyākhyātāraḥ
Sources: NM (1) vol. 2, 120,16-29