Vindhyavāsin

Other denominations: Rudrila
Philosophical tradition: Sāṃkhya
Worktitles: Ṣaṣṭitantravr̥tti (b) [commentary by Vindhyavāsin]



Prosopographical information about Vindhyavāsin in primary sources


No information available



Fragments attributed to Vindhyavāsin


Fragment 10042
śrotrādivṛttir avikalpikā pratyakṣam – iti vṛddhasāṅkhyāḥ

Author(s): Vindhyavāsin
Sources: PM (1) 28,4; PM 24,13

Details


Report 14596
anye tv āhuḥ – manasādhiṣṭhiteti manasā saṃviditā, yathoktam – bāhyeṣv artheṣv indriyaṃ vyavasāyaṃ kurute. tasmiṃs tv indriyavyavasāye mano'nuvyavasāyaṃ kuruta iti. anena hi granthenendriyavṛttir eva bāhyaviṣayākārā manovṛttyā saṃvedyate, na tv indriyavṛttisahitayā bāhyo 'rtha iti pratipāditam. tasmād yā śrotrādivṛttir manovṛttyā gṛhyate, sā tayādhiṣṭhitety uktā. vṛttir indriyāṇāṃ svaviṣayasannidhye tadākāreṇa pariṇāmo jñeyaḥ. sā punar dviprakārā sapratyayā cāpratyayā ca. pratyayaḥ pauruṣeyo bodha ucyate caitanyarūpo viṣayānubhavasvabhāvaḥ. etac cātmanaḥ svarūpaṃ nānyasya kasyacit, acetanatvāt. tena pauruṣeyeṇa pratyayena saha yā sampṛktā tadekarūpatām ivāpannā, sā sapratyayā. yathā taptāvasthāyām ayogolakas tejaḥsamparkād atatsvabhāvo 'pi tejaḥsvabhāvatām ivāpadyate, tathā vṛttir ananubhavarūpāpi caitanyasaṃsargāc caitanyarūpatām ivāpadyate. yā punar vṛttiḥ pradīpaprabheva kevalaṃ viṣayaprakāśikā, na tu caitanyasamparkād āsāditatadrūpeva, sāpratyayety ucyate. tatrāpratyayavṛttinivṛttaye grahaṇe vartamānety āha. śabdasparśarūparasagandhānāṃ yathākramam ity anena svaviṣayaviniveśavacanān niyataviṣayatvam.

Author(s): Vindhyavāsin
Sources: PSṬ 1 (I) 136,8-137,7


Report 14662
anye tv āhuḥ – vṛttīnāṃ nirvikalpatvopadarśanārtham etad bhedenoktaṃ śabdādīnāṃ grahaṇe vartamāneti. etad uktaṃ bhavati – svarūpagrahaṇamātre vartamānā pratyakṣaṃ pramāṇaṃ nānyatheti. yady api vikalpane 'syāḥ sambhavo nāsti, tathāpi jaiminīyādibhir vikalpakaṃ pratyakṣaṃ kalpitam. tadapekṣayaitad viśeṣaṇam. sarvaiva tu vṛttir grahaṇamātre vartate, na vikalpana iti. grahaṇe vartamāneti tatsvabhāvety arthaḥ.

Author(s): Vindhyavāsin
Sources: PSṬ 1 (I) 138,1-6


Report 14713
yathoktam – badhiraḥ satsv indriyeṣu navasu śabdaṃ na śṛṇoti. tasmāc chrotram eva śabdaviṣayam. anena tvagādīnāṃ svaviṣayaviniveśo boddhavyaḥ – iti.

Author(s): Vindhyavāsin
Sources: PSṬ 1 (I) 138,11-13; PSṬ 1 (II) B37a2f


Report 14732
syād etat – na brūmas traiguṇyam eva śrotrendriyagrāhyam, api tu tasyaiva pariṇāmo buddhyanugamanimittaṃ sādṛśyaṃ nāma j̄ātiḥ. sā ca sarvaśabdabhedeṣv anuvartamānā vyāvartate sparśādibhyaḥ. saiva śrotrendriyeṇa gṛhyate. tena na kaścid doṣaḥ – ity āha.

Author(s): Vindhyavāsin
Sources: PSṬ 1 (I) 139,12-15


Report 14988
granthaś caivaṃ nīyate – bāhyeṣv artheṣv indriyaṃ vyavasāyaṃ kurute pratyakṣalakṣaṇaṃ, tasmiṃs tv indriyavyavasāye mano 'nuvyavasāyaṃ kurute ity anantaraṃ smārtam. yathā cendriyavyavasāye mano 'nuvyavasāyaṃ kurute 'nantaroktam, evaṃ mānasaṃ vyavasāyam indriyaṃ saṃvedayate – smārayatīty arthaḥ, anekārthatvād dhātūnām. dvitīyaś ca hetum aṇṇij iha veditavyaḥ. indriyaṃ hi smaraṇānukūlaṃ manasa upakāraṃ kurvat tatprayuṅkta iveti. smaraṇenaiva ca vṛttiviṣayīkaraṇe 'rthadṛṣṭiḥ prasidhyatīti manyate. tad evaṃ vṛttigrahaṇasyāpramāṇatvān na tasyāsaṅgrahān nyūnatvam.

Author(s): Vindhyavāsin
Sources: PSṬ 1 (I) 154,7-13


Report 15022
kim indriyamanobhyāṃ sahaiva bāhyeṣv artheṣu vyavasāyāḥ kriyanta āhosvit saha naiva kriyanta iti saṃśaya idam uktam – bāhyeṣv artheṣv indriyaṃ vyavasāyaṃ kurute. tasmiṃs tv indriyavyavasāye mano 'nuvyavasāyaṃ kurute. kasmāt. asti hy ayaṃ smṛtipratyakṣavyavasāyaviśeṣa iti. etad uktaṃ bhavati – smṛtipratyakṣavyavasāyaviśeṣo 'sti. nāyaṃ prasiddhataro 'pahnotuṃ śakyate. na cobhayor bāhyārthapravṛttāv ayam upapadyate. yadi hi bāhye 'rthe manaḥ pravartate nendriyavṛttiṣu, tadā tā manovṛttibhir anadhiṣṭhitāḥ pauruṣeyeṇa caitanyenāsampṛktā apratyayāḥ syuḥ. tataś ca kathaṃ pratyakṣaṃ pramāṇam ucyeran. na hy apratyayā vṛttayaḥ pratyakṣaṃ pramāṇaṃ bhavanti. pratyakṣābhāvāc ca smṛtir api tatpūrvikā na syāt. yadā tv indriyavyavasāye mano nuvyavasāyaṃ kurute, tadā smṛtipratyakṣavyavasāyaviśeṣa upapadyate. tathā hi sāmprate kāle bāhyeṣv artheṣv indriyavyavasāyaṃ pravṛttam anvadhyavasyati. manasīndriyavyavasāyaḥ svaviṣayābhāso manovyavasāyena sampṛktaḥ pauruṣeṇa pratyayena sapratyayo bhavati. evaṃ pratyakṣavyavasāyas tasyendriyasya bhavati. pratyakṣatvaṃ tasyendriyavyavasāyasya bhavatīty arthaḥ. kevalasya tu pratyakṣavyavasāyāt paścāt smṛtivyavasāyo manaso bhavatīti. tathā coktam – kevalaṃ tv atītānāgatayoḥ kālayoḥ pravartata iti. nanu cendriyavyavasāyasahitasya bāhye 'py arthe pravṛttasya sāmprate kāle manasaḥ pratyakṣavyavasāyo bhaviṣyati, kevalasya tu paścāt smṛtivyavasāyaḥ. naitad asti. evaṃ bāhyārthagrahaṇe sati dvayor apy ekārthakāritvād ānarthakyam indriyāṇāṃ syāt. tathā hy uktam – naikārthakāriṇor indriyayoḥ kalpane sāmarthyam iti. yata evaṃ smṛtipratyakṣavyavasāyaviśeṣo bāhyārthe pravṛttau manaso nopapadyate, tasmāt – tasmiṃs tv indriyavyavasāye mano 'nuvyavasāyaṃ kurute, na bāhyeṣv artheṣv iti. tad evaṃ – nendriyamanobhyāṃ saha bāhyeṣv artheṣu vyavasāyāḥ kriyanta ity asyārthasya pratipādanāya – asti hy ayam ityādir grantha upanyastaḥ.

Author(s): Vindhyavāsin
Sources: PSṬ 1 (I) 155,4-156,12

Details


Report 15191
tataś ca na kalpayitavyam – indriyapravṛttisahajo bāhye 'rthe manaso 'nubhavaḥ paścāt smārtaḥ – iti.

Author(s): Vindhyavāsin
Sources: PSṬ 1 (I) 163,3f; PSṬ 1 (II) B46b2